繼早前J2節目《兄弟幫》宣布停播後，翡翠台的長壽訪談節目《今日VIP》亦正式講拜拜。節目由2009年2月開始播出，至今已有10年多。節目最後一集由吳家樂主持，他在社交平台上也表達出不捨之情：「《今日VIP》在平安夜的晚上畫上句號。接受訪問的嘉賓，每一位都帶給觀眾正能量，咁多年來我真係學到好多嘢。」家樂所用的「我真係學到好多嘢呀！」之所以會成為《今日VIP》的金句，完全是拜王祖藍所賜。他在《荃加福祿壽》中扮陳永業再用上陳芷菁的口吻講這句話，令不少人印象深刻，至今仍有很多觀眾誤以為那是陳永業的口頭禪。
相關新聞：47歲吳家樂禾稈冚珍珠 狂操爆肌不讓伍允龍專美
(圖片：吳家樂IG）
（圖片：陳永業Facebook)
陳永業是《今日VIP》的始祖主持之一，他接受《晴報》電話訪問時表示，「《今日VIP》節目完結，坦白講少許感觸一定有，有依依不捨的感覺。因為節目由2009年開始，我是開荒牛之一，做咗足足10年，一定會唔捨得，但唔係傷感嘅，每件事都唔係維持永遠。」他表示自己今個月17日錄影完畢後，隔幾日才收到節目完結的消息，該集主持工作成為他的告別作，他說：「我好衷心多謝監製Maria Leung，多謝佢由我入TVB第一個節目《娛樂直播》開始，一路都睇住我、幫助我到今時今日。」
（圖片：陳永業Facebook)
（圖片：陳永業Facebook)
（圖片：陳永業Facebook)
（圖片：陳永業Facebook)
問到這10年間難忘的訪問對象，陳永業說：「最難忘必定係狄娜姐姐，佢係好神秘嘅女人，訪問之前我實在有少少緊張，因為佢出名牙尖嘴利、反應好快。到錄影當日真係學咗好多嘢，因為佢好犀利，基本上佢全程帶住我，而唔係我帶住佢答問題。我好欣賞佢嘅工作態度，好認真，同埋對後輩好好。訪問之後佢送咗一份禮物畀我，寫咗啲鼓勵說話畀我，叫我做人千祈唔好唔守承諾，應承咗一定要做到最好，到依家我都銘記於心。」
而另一難忘的訪問對象就是王祖藍，事關祖藍在《荃加福祿壽》中扮他，令很多觀眾都誤會他，陳永業說：「我特登請佢到我節目度澄清返點解要扮我，又要講『我今日真係學到好多嘢！』，大家都知我從來冇講過呢句說話，句說話係陳芷菁講。佢想扮《今日VIP》主持，不過扮女人太多次，所以揀咗扮我，但就拎佢句口頭禪用，搞到全世界人都以為係我講，我澄清過好多次，但人人都覺得係我講。」他直言誤會錯有錯着，令他有機會參與劇集演出，開拓演藝工作的新一面。不過他指訪談節目始終是他的最愛，因他認為每次訪問不同人都能增值自己，希望將來有機會繼續主持訪談節目。
相關新聞：王祖藍李亞男啜爆囡囡一歲生日 英文名勁繞口生日蛋糕慘變悲劇
(圖片：《荃加福祿壽》網上截圖)
(圖片：《荃加福祿壽》網上截圖)
（圖片：陳永業Facebook)
（圖片：陳永業Facebook)
（圖片：陳永業Facebook)
在陳永業眾多訪問對象中，鄭子誠算是經典之一。事關陳永業1990年入行香港電台做DJ，開創經典節目《音樂情人》，後來由鄭子誠第三手接手主持至今，兩代《音樂情人》節目主持碰頭，絕對是經典。而陳永業除了任DJ外，更曾推出EP《移情別戀》，又曾跟好拍檔蔡齡齡合唱《情是永遠著迷》。此外，主持之一的梁嘉琪亦表示，最感恩的是訪問到社會不同階層的人士，他們每位都為香港默默付出，令她學習到很多、成長很多。
（圖片：陳永業Facebook)
(圖片：《今日VIP》網上截圖)
（圖片：梁嘉琪IG)
撰文：楊安莉