2007年黎姿弟弟黎嬰遇嚴重車禍，腦部嚴重受創，曾一度昏迷三個月，險變成植物人，但蘇醒之後仍半身癱瘓。黎嬰出事前係著名嘅皮膚科醫生，更加經營咗一間皮膚科診所，但在遭逢意外後心血卻可能付諸流水。
（東星娛樂）
黎姿當時被迫接手弟弟的診所，佢坦言當時接手後，曾接二連三有放棄的念頭，經常喊，但每次到醫院見到昏迷嘅弟弟，同佢講公司嘅情況，弟弟都會有反應，先令佢堅持落去。佢又指以前自己鍾意演戲，後來先發現除咗演戲都鍾意幫人美容：「我係一個畀人覺得唔會成功嘅人，依家成功，我希望透過呢個信息話畀佢（黎嬰）知，其實認為唔得嘅事，都可以變成得，藉此幫助同加快佢嘅康復。」
（東星娛樂）
2014時黎嬰仲係離唔開輪椅，並要接受物理同語言治療。不過經過多年的密集式治療後，黎嬰漸已康復八九成，頭腦清醒，心態積極正面，經常笑容滿面。黎嬰日常由一隊護理團隊悉心照顧，除兩名外籍女傭服侍他起居飲食、推輪椅出入外，還聘請三名專業看護，三人每日工作八小時，廿四小時專責護理，並協助黎嬰進行所有復康治療。終於喺上年，即係意外後嘅11年黎嬰終於擺脫輪椅、拐杖，靠自己力量企番起身。
（黎姿IG）
黎姿感謝弟弟多年嚟冇放棄自己：
「一路走來不算容易：從第一間店開始，得以增建了中環、尖沙嘴店，加上擴充銅鑼灣店的空間，今年公司總共裝修了18,000平方呎，踏上新的里程。每次我感到疲憊的時候，都會感到有一股強大的力量在背後支持我、鼓勵我。我弟弟十多年來為生命而奮鬥，雖然他失去了自由行動的能力，但他依然擁有堅定的意志，積極的觀念，以及對生活的無限熱愛。
（黎姿IG）
每一次我在工作上遇到難關，他不屈不撓的精神總會重新燃點起我對工作、對醫學美容行業、對生命的熱誠。今天，弟弟可以站起來與大家見面，我真的非常非常感動。他的堅毅精神是令我不斷進步的動力，我會繼續奮鬥下去。」
（黎姿IG）
當年黎姿為家人退出娛圈，依家嘅佢斬釘截鐵拒絕復出拍戲，佢表示依家專注家庭生活 ，全心投入公司嘅業務，佢直言現階段好滿足 。
（黎姿IG）
前年黎姿更榮升上市公司主席，並宣布正式改為名黎珈而，取其家玉如意價值連城意思。黎姿指弟弟好想家姐可以延續佢嘅精神：「希望我可以同團隊拼落去，想我秉承佢嘅專業精神，對醫學美容嘅執著及概念。所以除多謝細佬畀我啟發之外，亦多謝佢畀我平台去發掘GiGi另外一面，原來我係可以做生意。」
（黎姿IG）
日前係黎嬰嘅生日，黎姿Post咗同弟弟慶祝嘅相，喺黎姿嘅悉心照顧下，黎嬰精神非常唔錯：「祝我親愛的弟弟生日快樂！🎂生命中有你的陪伴，每一天對我來說都是祝福！未來的日子裡，願健康、快樂和一切世間美好都相伴你左右！」
撰文: 黃蘊姿