【聲明】港生活網站並無進行電話推廣活動

麥當勞驚喜8天 元旦全日有早餐

發佈時間: 2019/12/30

美好嘅一日,需要由早餐開始,新一年就更加要有驚喜又滿足!麥當勞公關姊妹又有好介紹,就喺嚟緊佢哋將會送上「麥當勞連續八日驚喜優惠」,優惠仲日日唔同,款款精采!包括狂歡倒數後嘅1月1日由凌晨4點至晚上11點59分期間,任何時段都可以享用全日早餐精選早晨套餐同珍寶套餐,仲會以全日醒晨價27元起發售!

講起麥當勞早餐,黛安知道當中嘅經典滋味精選早晨套餐,特別選用鮮嫩多汁嘅豬柳配搭嫩滑炒蛋,再加上熱辣辣嘅英式鬆餅同脆薯餅,真係用料優質,色香味一應俱全;唔單只咁,奶醬口味熱香餅亦會再度強勢回歸,濃郁嘅煉奶配搭香濃滑溜嘅花生醬,加上即時炮製嘅熱香餅,絕對係迎接2020嘅好開始。

除此之外,新一年隨後一個星期都有唔同嘅優惠,好似10元9件麥樂雞、兩個蘋果批、大大啖脆辣雞扒一件;18元1個四重芝士孖堡加1杯中汽水等!總之日日都有驚喜,着數超級多,記住拉大隊同家人朋友,齊齊去開心Share喇!

撰文: 黛安 消息特靈八卦公關
欄名: 八卦名利場