唔係人人一出世就天生麗質，女藝人都係好依賴化妝，工作要靠濃妝放大表情，平時出門都要化，遮蓋臉上皺紋同瑕疵。結果女藝人嘅一張臉總係化上完美妝容，令佢哋嘅素顏變得好神秘。不過，為咗拉近粉絲同自己嘅距離，現在唔少女藝人主動大曬素顏，以天生好膚質、濃眉大眼展示自己真係有美人胚子。以下有唔少TVB女藝人就將一層層嘅化妝品卸走，敢於公開裸肌，當中不乏《丫鬟大聯盟》、《黃金有罪》嘅女主角、女配角同其他客串女演員。
湯洛雯
因為有新劇上，好耐冇喺幕前現身嘅湯洛雯都成為網上熱話，有網民就翻出佢以前同依家嘅素顏相。以前湯洛雯仲係學生嘅時候，面上仍有幾粒青春痘，依家已經好番晒，變得又白又滑！大家大讚佢靚女咗好多，完全遺傳到爸爸湯鎮宗嘅好基因。
(討論區截圖)
郭少芸
郭少芸原來已經51歲，可能因為紋咗眼線，就咁睇keep得好好，至少皮膚好光滑。
黃心穎
好多人都話心穎落咗妝好似草蜢嘅蔡一智，就算咁佢自己都唔介意公開素顏俾大家笑吓！
張慧儀
張慧儀素顏好似少女啊！發生咩事？點解會有逆齡效果？
莊思明
莊思明素顏個樣同家姐莊思敏一樣！
吳珮如
王子涵
劉思希
劉思希臉色比較暗啞、膚色偏光，不過基本上都冇乜分別。
白雲
白雲身材好到爆，連素顏都正，好屈機啫。
姚子羚
成日被網民笑對眼好細，改成「表哥圖」嘅子羚都係化咗妝索啲，加強咗對眼先嫵媚啲。
蕭凱欣
呢張素顏相比較久遠，不過畀人有種老師嘅感覺，唔知依家個樣係咪咁呢？
張美妮
陳婉婷
成日見陳婉婷扮宮女、妹仔，原來佢妝前妝後個樣冇咩分別，冇化妝反而有氣質啲。
樊亦敏
樊亦敏嘅素顏相被好多網民都狂讚靚爆鏡，又話佢好似混血兒！梗係啦，樊亦敏由以前做陽光檸檬茶廣告嗰陣已經出咗名靚。
何艷娟
何艷娟呢張應該仲有少少妝，不過搵勻佢Instagram都冇一張完全落咗妝嘅相。
周梓盈
周梓盈曾經被歐陽震華喺《晴報》訪問大讚係同萬綺雯似足99.9%嘅靚女，話佢哋無論動作、表情、樣貌，所有嘢都好似。
陳瀅
陳瀅之前直播落妝，對唔化妝個樣非常有自信。
陳自瑤
陳自瑤個樣一向冇變過，素顏下只係覺得佢有啲疲態，但上妝後完全同廿年前一樣樣。
甄詠珊
嘩!甄詠珊完全冇分別，請問用開咩護膚品！
楊卓娜
楊卓娜喺冇濾鏡、冇化妝、冇修圖，「三無」嘅情況畀大家欣賞，41歲嘅佢靚到被網民激讚：「完全唔似4字頭嘅媽媽！」、「呢幅相好似90後」等等。
何綺雲
何綺雲係對眼失咗神。
李璧琦
一向運動形嘅璧琦擁一身健康膚色，而平時亦都冇乜化濃妝，所以素顏冇乜分別。
尹詩沛
尹詩沛化咗妝好有艷麗感覺，唔化又好清純，完全2個style！
吳沚默
吳沚默都仲keep到個靚樣，唔覺變化好大。
康華
身為美魔女嘅佢雖然已經47歲，差唔多要步入人生50大關，不過佢對眼仲好有神，皮膚亦好白滑，果然係「御用情婦」。
鄧以婷
葉蒨文
何佩珉
佩珉係出名嘅TVB特技人，打功夫有助強身健體，連皮膚都keep好好。
(TVB電視截圖；各大藝人instagram截圖)
撰文：張芷晴