處境劇《愛回家之開心速遞》正式踏入新時段，2020年1月開始將會每周一連七日晚晚播放，不少電視迷都非常期待。不過新年第一集都未開始播，就已經有劇中演員宣布離巢的消息傳出，在劇中飾演「垃圾清」一角的女藝人周梓盈宣布離開TVB，亦意味著角色隨之而「被消失」。
周梓盈在Instagram宣布：「2019年的最後一天，有一件事想同大家講。因為合約的問題，我最終要離開工作了七年的公司，內心充滿不捨。雖然離開或留低並不是我個人可以決定，但我都感激公司七年來給予我的栽培及機會。回復自由身後，我會先休息一下，再好好思考未來的動向，如果有新的方向會同大家分享。希望大家繼續支持《愛回家》，期待阿清將來可以再同大家見面。」
相關新聞：《愛回家》Terry同垃圾清蠢鬥蠢擦出愛火 玩「白色長人」英雄救美
（圖片：周梓盈IG )
望落真係好似萬綺雯，連歐陽震華都話佢似。（圖片：周梓盈IG )
（圖片：《愛回家之開心速遞》電視截圖）
（圖片：周梓盈IG )
兩人在劇中合作無間。（圖片：周梓盈IG )
周梓盈20歲時是由「𡃁模組合」Donut出道，並推出過寫真集和歌曲，後來考入TVB藝員訓練班，同期的藝人有何廣沛、林泳淘等。入行已經有7年，周梓盈以往多數飾演護士、宮婢或丫鬟，由於外貌與萬綺雯相似，一直被形容是年輕版的萬綺雯。
直至加入《愛回家》後，被安排成為大小姐身邊的秘書，大小姐每次都呼喝佢做「垃圾清」，角色靚女得來非常蠢，被列為《愛回家》入面四大「破壞王」之一，經常無意間寸爆大小姐以下犯上，就算大小姐如何「篤魂精」，垃圾清都相當愛護大小姐，當大小姐落難時，垃圾清開網上時裝店，反而聘請大小姐做兼職賺錢，相當有情義。垃圾清家底豐厚，近來剛剛跟Terry（李偉健飾）發展感情線，令不少人感到可惜。
周梓盈離巢的消息一出，不少電視迷都大感驚訝和不捨，而《愛回家》一眾演員都紛紛留言為她祝福打氣，當中包括「大小姐」林淑敏、「送水輝」許家傑、「Terry」李偉健、「鐵面陳」王致狄、「Peter」杜大偉、「歸蜀明」繆家慶、「KC」歐瑞偉、「池美麗」鍾凱琪、「George」張明偉等，就如家人歡送一樣，充滿溫暖。而網友表示：「大小姐又少個人被佢篤魂精喇！」、「垃圾清唔好走呀！」、「垃圾清走咗，咁Terry點算？」、「罷睇《愛回家》」...
相關新聞：《愛回家》垃圾清被Terry呃完轉投朱天梯？ 周梓盈入行6年曾跟何廣沛拍拖
Terry都話唔捨得呢位好拍檔。（圖片：周梓盈IG )
（圖片：周梓盈IG )
（圖片：周梓盈IG )
（圖片：周梓盈IG )
周梓盈接受《晴報》電話訪問時表示：「離開當然心中有不捨，好感恩觀眾喜歡『垃圾清』呢個角色。(你最後邊集走？Terry點算？)劇集上的安排，可能要等劇組安排，暫時我自己都係唔知道。」至於飾演Terry的李偉健大嘆可惜，他說：「當然可惜啦，同佢合作上都好合拍，產生嘅效果亦都好好。不過我哋藝員係比較被動嘅，惟有睇吓之後劇本嘅發展啦！」
暫時未知「垃圾清」會否在未來集數露面，而觀眾亦相當關注劇情發展，「垃圾清」的離開會帶來甚麼樣的變化呢？有網友推測是否會安排前秘書Mandy（謝㺭圻飾）回歸，而Terry早前在垃圾清和Anita（梁茵飾）之間二選一之下，選了垃圾清，如今垃圾清離開，Terry會否轉投「拜金女」Anita呢？
（圖片：周梓盈IG )
（圖片：謝㺭圻IG)
撰文：楊安莉