古天樂（古仔）同宣萱出席護膚品牌活動，佢哋透露正忙於拍攝新片，係二人近年第3部合作嘅電影。不過佢哋都異口同聲話大家未對到厭，皆因二人默契十足，從來未試過鬧交，有佢哋嘅一套相處方法。
{{hket:inline-image name="1ae65b39-80ca-40fa-b4db-aead2c82af39.jpeg"}}{{/hket:inline-image}}
（東星娛樂）
講起合作，今晚（8日）TVB將會重播佢哋20幾年前合演嘅搞笑神劇《美味天王》，不過古仔就話自己向來好少重睇舊作，仲叫大家準時熄電視：「拍嗰陣已經睇好多，所以唔使睇番，向前看！」不過古仔表示父母有幫佢儲起剪報甚至舊作錄影帶；相反宣萱就覺得係好好嘅回憶：「有時間會再睇，好搞笑，我個馬騮頭。」
{{hket:inline-image name="7.jpg"}}{{/hket:inline-image}}
古仔好青澀、好靚仔。（《美味天王》截圖）
由於1997年的《美味天王》播出時適逢係TVB 30周年台慶，演員陣容都非常強勁，今日睇番都覺得好大卡士，粒粒皆星。除咗有古天樂同宣萱，仲有「港版羅拔迪尼路」秦沛、「TVB收視福將」歐陽震華、視后張可頤、已故嘅「肥姐」沈殿霞，同埋已息影嘅關詠荷同鄧一君等，個個都係一級戲精，所以當年播出時有最高達40點收視佳績一啲都唔出奇。
{{hket:inline-image name="01300001024098154589360545466.jpg"}}{{/hket:inline-image}}
「好好味呀～」睇圖都有聲。（《美味天王》劇照）
雖然劇中個個都有番咁上下分量，但由於《美味天王》係喜劇，劇中演員睇嚟都唔介意瞓身破壞形象去娛樂觀眾，其中小編認為，歐陽震華用身體證明了唔係人人都適合留長頭髮，皆因佢一頭不羈嘅長髮真係非常引人犯罪！
{{hket:inline-image name="1.JPG"}}{{/hket:inline-image}}
洗頭水廣告咩！（《美味天王》截圖）
{{hket:inline-image name="054101085327D6286A0A43401354377A.jpg"}}{{/hket:inline-image}}
歐陽震華飾演廚神「田味吉」。（《美味天王》截圖）
{{hket:inline-image name="001733_d0b3244693f743a542dc6a84b8f5ae22.jpg"}}{{/hket:inline-image}}
佢仲黐粒癦扮自己有個細佬叫「田味橙」，夠晒無厘頭又爆笑！（《美味天王》截圖）
{{hket:inline-image name="images.jpg"}}{{/hket:inline-image}}
張達明飾演田味吉的師傅，一嘢彈走田味橙粒癦揭穿佢係田味吉，幾廿歲人但用童子軍造型出場，超騎呢！
{{hket:inline-image name="KVrI35sm8t_ofvpo-pg6NXDxVMWKGab1Lh_6vy4f-r8.jpg"}}{{/hket:inline-image}}
（《美味天王》截圖）
{{hket:inline-image name="2020.png"}}{{/hket:inline-image}}
宣萱就扮演愛慕田味吉嘅小師妹「梁爽爽」，靚女唔係大晒，呢個頭真係炒晒車。（《美味天王》截圖）
{{hket:inline-image name="0.jpg"}}{{/hket:inline-image}}
(《美味天王》截圖）
{{hket:inline-image name="7c5bc473774482ea76bc075af4537a1dd8d8e35e.png"}}{{/hket:inline-image}}
秦沛飾演「美味園」老闆「秦萬石」，輸咗畀田味吉之後一蹶不振兼失蹤，推動成個故事發展。話時話，佢呢個假髮係唔係依家《黃金有罪》仲用緊？（《美味天王》截圖）
{{hket:inline-image name="hqdefault.jpg"}}{{/hket:inline-image}}
個個都扮鬼扮馬，可能因為皮膚黝黑，古仔扮印度王子都毫無違和感！（《美味天王》截圖）
{{hket:inline-image name="12q800020o7p66os2qrq.jpg"}}{{/hket:inline-image}}
張可頤都黐鬚反串！（《美味天王》截圖）
{{hket:inline-image name="50200009239445156374847129934.jpg"}}{{/hket:inline-image}}
小編懷疑係得肥姐同關詠荷個靚樣可以「幸免於難」！（《美味天王》劇照）
撰文：黃蘊姿
