《美味天王》深夜重播 古仔唔肯睇︰準時熄電視

古天樂與宣萱有份主演的97年無綫劇集《美味天王》現正重播，二人昨日出席護膚品牌活動時，對翻睇舊作態度不一，古仔直言不會翻看自己作品，更笑言會熄電視避開；宣萱則會一邊翻睇一邊回味。

古天樂與宣萱昨日即席分享護膚心得，但古仔示範時竟亂按摩模特兒的臉部，場面搞笑。新片《反貪風暴》即將煞科，提到兩人最近已合作三部戲，相識20多年的他們笑言已有「永恆的默契」，宣萱說︰「大家都係好直接嘅人，唔使避忌。」古仔則指彼此清楚對方性格，容易溝通，亦從不吵架。

此外，二人主演的舊作《美味天王》正於深夜重播，古仔坦言甚少重看自己的作品︰「大家準時熄電視，拍嗰陣已經睇晒啦。（怕尷尬？）唔會，只係我唔會特別睇自己演出。」古仔指父母會為他儲剪報，更會錄起他的劇集︰「仲要係用錄影帶喎，依家都唔知睇唔睇到，同埋做人應該向前看！」相反宣萱則對《美味天王》大感興趣︰「有時間會睇，我嗰時仲係『馬騮頭』。」

留港跟親友拜年

農曆新年將至，古仔表示過年前會再開戲，是否希望人人有工開？他說︰「唔係個人決定開幾多部戲，係成個經濟環境，希望大家努力啦。」他表示新年會放假一星期，陪父母到親友家拜年。提到好友林峯結婚，古仔與宣萱均表示會送禮物。

採訪︰Pauline

攝影︰林良明

編輯︰李潔盈

美術︰梁政敏