孫佳君好細個已經父母離異，跟着阿嫲長大嘅佢好獨立，十四歲時孫佳君已經因為生得高大及樣貌標致，被星探發掘做模特兒，開始賺錢，「周六、日下午就去影相，一個月賺二千幾坡幣，工作才幾個小時。」十六歲時，阿嫲都走埋。父母留低少少錢，親戚做咗孫佳君嘅監護人，將佢送到加拿大讀書，喺西門菲莎大學修讀英國文學。大學畢業後參加新加坡選美摘下冠軍后冠，來港後認識向華強先生、向太，第一部就與星爺拍《百變星君》，順理成章入行。
（《百變星君》截圖）
（《百變星君》截圖）
孫佳君拍《百變星君》時初到香港，唔知香港女星當年很少如此暴露。佢覺得着泳衣係劇情需要，只係一套戲服。
（東星娛樂）
不過大家亦因為呢套戲將佢定型，令佢成為香港九十年代性感Icon，不過原來佢自己唔係好鍾意大家對佢嘅呢個印象：「每次聽到個心都唔係好舒服，其實唔係刻意去行sexy嘅路線。」孫佳君現已經成為人母，她認為這個身份反為她帶來出路：「當然我嘅年紀又大咗啲，但係對我嚟講會有多啲真係做戲嘅角色，以前係比較花樽類型。」
（東星娛樂）
標致外形令孫佳君好快就有知明度，但亦令佢被定型為花樽。（孫佳君微博）
除咗孫佳君嘅性感形象之外，最為人記得莫過於佢同羅兆輝嘅一段故事。逝者已矣，孫佳君都唔想經常提起，佢印象中，羅係個對朋友好好嘅人，永遠好嘢都益朋友先，自己就冇乜所謂。「我同佢嘅時間很短，朋友關係多，好可惜佢咁早走。佢係個尋開心嘅人，喜歡用酒精令自己麻醉。」
（孫佳君微博）
2003年經濟不景，孫佳君本來想返新加坡，但親戚始終唔係自己父母，將佢拒諸門外，因為冇親人收留，再次回到香港。亦係因為咁令到佢萌生要有自己一個家嘅想法。呢個時候就遇上佢兩個小朋友嘅爸爸，商人劉貴喬，成就咗佢想做媽媽嘅期望。
孫佳君同兩個囝囝感情超好。（孫佳君微博）
兩人冇辦結婚手續，一齊咗大約十年之後最終分開。孫佳君冇後悔同佢一齊：「我冇睇錯人，佢的確係個好好嘅爹哋。佢好錫小朋友，又好重視家庭。」劉貴喬有盡父親責任，仍然負擔小朋友生活費，亦有教孫佳君投資。孫佳君本身手上都有物業，經濟上絕無任何壓力。
做咗媽媽都唔偷懶，身形弗過少女。（孫佳君微博）
孫佳君享受單身生活，覺得好自在。獨立慣嘅佢亦唔介意一個人食飯、睇戲。「我鍾意睇人，觀察別人，又觀察自己，靜中有序。我唔覺得單獨一個人就等於 lonely。」在現階段，佢亦冇諗住要搵對象。
（孫佳君微博）
（孫佳君微博）
撰文: 黃蘊姿