【聲明】港生活網站並無進行電話推廣活動

「理財十課」漫畫面世 灌輸趣味理財知識

發佈時間: 2020/01/10

小朋友係未來社會棟樑,良好習慣應該從小培養。黛安知道,香港會計師公會為鼓勵小朋友從小學習理財,所以設計咗一套「理財十課」漫畫,頭5本最近面世喇。

香港會計師公會喺2005年推出嘅「窮小子、富小子」,今年踏入15周年,呢個計劃仲連續兩年獲得「理財教育獎」;計劃中「會計師大使」去到學校講故事,喺互動工作坊用日常生活例子,向小朋友灌輸正確理財概念,計劃推行以來,受惠學生超過14萬人㗎。

佢哋最近推出嘅5本漫畫,包括《漫談收入》、《我想買恐龍》、《儲蓄領袖營》、《百變的金錢》同《亂花費王子》,由3個得意嘅主角(會繼司、好奇寶寶同大花童)導航,3個卡通人物性格各有特色,喺跌跌碰碰中同小朋友一齊學習理財概念,學習過程有趣又唔怕悶啦。

撰文: 黛安 消息特靈八卦公關
欄名: 八卦名利場