Now TV煲劇方程式

荷里活日前舉行金球獎頒獎典禮，多部優秀影視作品獲得表揚，《Joker小丑》口碑載道，華堅馮力士當選影帝，可謂實至名歸。電視方面，有幾部近期大熱美劇亦值得捧場。如果想一氣呵成，送你一個「煲劇小貼士」，就是要掌握全劇的總播放時間，分分鐘可以一日煲盡心愛劇集。

講述傳媒家族血淚史的HBO原創劇《傳媒家族繼承人》（Succession），在金球獎連奪兩獎，包括戲劇組最佳劇集，老牌男星Brian Cox亦順勢成為出爐視帝。首兩季共20集故事（約20小時），建議分開兩日睇，一日一季也不錯，一個周末就搞掂。如果想輕鬆一點，《保衞奇俠》（Watchmen）只需九小時便睇畢全套。

此外，改編自英國奇幻小說的《黑暗元素》（His Dark Materials），自播出以來口碑不俗，全季八集，不用八小時就煲完。以上三套美劇已於HBO On Demand、HBO GO及Now隨身睇上架。

至於在FOXlife（NowTV 521台）熱播中的《妙手仁醫》（The Good Doctor）第三季，還有BBC First的《血腥迷戀伊芙》（Killing Eve）第二季，同樣吸引大批劇迷追看，不妨趁假日來個煲劇馬拉松，全情投入，滿足感更大。

（本欄逢周五刊登）