《丫鬟大聯盟》林敬剛曾意氣用事罷演一角 棄鐵飯碗追夢25年變御用奸人

提到「林敬剛」這個名字，或者你冇印象係邊個，但望到佢個樣，相信你一定會認得。林敬剛經常在TVB演奸角，特別係前排在《鐵探》中飾演營長（吳廷燁飾）嘅手下「阿喱」，追殺小朋友及自割耳仔一幕都好爆！而在最近播出的《丫鬟大聯盟》中，林敬剛都有份飾演兵部「孟郎中」，近期一集仲要同鄭子誠一齊去妓院嫖妓，場面非常搞笑！

{{hket:inline-image name="006L9w7vgy1ff3ln44vvdj30zk0qon5f.jpg"}}{{/hket:inline-image}}

（微博圖片）

{{hket:inline-image name="hhh.jpeg"}}{{/hket:inline-image}}

在《丫鬟大聯盟》中飾演兵部「孟郎中」。（影片截圖）

做惡人必須要有團火，林敬剛都不例外。佢初入行時性格非常直率，仲有少少意氣用事，試過霸氣拒演劇集。事源當時他剛加入TVB，有一部劇集是演跟班，他即時推卻，事後他說：「當時心諗做跟班梗係唔做！不過依家唔會啦，畀咩角色我都會做。」

{{hket:inline-image name="ff.png"}}{{/hket:inline-image}}

之前在《鐵探》中的演出廣受好評。（影片截圖）

{{hket:inline-image name="szz.jpg"}}{{/hket:inline-image}}

自割耳仔！（影片截圖）

現年49歲嘅林敬剛，當年被李修賢睇中拍電影，1994年正式入行，至今已25年多。入行前佢入過警校，有機會做警察，但最終因想一圓演藝夢，毅然放棄呢個「鐵飯碗」。林敬剛曾係大台「親生仔」（經理人合約），不過發揮機會唔多，當年更一度要還騷而唔開心到失眠。不過佢為人好樂觀，對演戲好有熱誠，就算多年來只做閒角，做戲團火一直都冇熄過。即使劇集戲份唔多，佢都會設計角色造型、對白同語氣，只因對佢嚟講敬業樂業係最重要！

相關新聞：《丫鬟大聯盟》湯洛雯忽然「暴肥」全因一個男藝人 32歲親爆愛情觀 今年會有喜事？

{{hket:inline-image name="006l9w7vgy1ff6xzv4gc1j30zk0qodl9_14385210075ccbb3f61430d.jpg"}}{{/hket:inline-image}}

（微博圖片）

爸爸突然離世讓他一夜長大

林敬剛25歲前都冇養家壓力，爸爸有經營自家運輸生意，令佢可安心拍劇追夢。可惜噩夢來得好突然，爸爸一晚收工後突然狂飆冷汗，之後情況惡化更嘔白泡、缺氧，送到醫院已返魂無術。爸爸的離開令林敬剛一夜長大，他感慨生命脆弱，自己的責任亦變得重大，要照顧好媽媽同打理爸爸的運輸生意。林敬剛當時做緊《城市追擊》，時間比較鬆動，唔似拍劇咁困身，收貨、派貨都親力親為。後來中港車興起，佢就向其他方面投資，依家除咗喺TVB拍劇，佢都有從事呢方面嘅工作，繼承爸爸遺志。

{{hket:inline-image name="006L9w7vgy1g8rzlpzakyj33402c0hdv.jpg"}}{{/hket:inline-image}}

（微博圖片）

撰文：羅慧怡