52歲嘅魏駿傑同後生佢廿年嘅太太張利華踏入結婚第12年，但二人近年屢傳婚變。2015年張利華同金牌單車手鄧宏業多次出雙入對兼態度親暱，魏駿傑當時為愛妻護航，但承認夫妻溝通出問題。魏駿傑話同老婆都將focus擺咗喺個女度，少做咗浪漫嘅嘢，會檢討。又話自己兩間屋都係寫老婆名，但作為男人要檢討吓自己，要再畀多啲。當時魏駿傑否認要同太太離婚，強調太太都想維繫婚姻。
（網上圖片）
日前張利華被揭夜會外籍男士，情到濃時更喺車廂激吻，張利華又隨外籍男返對方寓所，凌晨先返自己屋企。魏駿傑似乎對呢段婚姻已經心死，話剩低嘅事已交由相關人士處理。張利華前日亦火速遷出同魏駿傑喺西貢嘅愛巢，搬約20袋紅白藍袋上貨車，搬去附近市值約4,000多萬港元嘅新居。張利華指5年前夫妻二人關係已出問題，但礙於唔想女兒喺破碎家庭成長，所以二人一齊住但分房瞓，但今次似乎佢哋都決心斬纜唔再挽留。
（東星娛樂）
（東星娛樂）
所謂「3年就有一個Genaration Gap」，「父女戀」由於好大機會有代溝好多時都不被睇好。圈中都有唔少對「父女戀」甚至係「爺孫戀」嘅例子，當中都有離婚收場，但亦有唔少對戀人或夫婦係愈來愈恩愛。
（吳啟華微博）
2007年42歲嘅吳啟華迎娶比佢細21年嘅內地嫩妻石洋子，二人育有一女現年10歲，不過都係離婚收場，女方曾透露原因係二人「思想頻率不能一致」。 有報道指石洋子亂使錢係婚姻破裂嘅原因之一，吳啟華當時回應指自己有能力就會滿足佢，仲反問唔買畀老婆買畀邊個呢？離婚之後二人關係保持良好，仲公開表示當前妻係女兒，會繼續愛錫。
（蔣麗莎微博）
陳浩民2013年49歲時娶細佢16年嘅老婆蔣麗莎。陳浩民喺蔣麗莎佗B時捲入懷疑「鹹豬手」事件，不過無損二人感情，蔣麗莎更為陳浩民生咗5個仔女，經常在網上曬幸福。
（網上圖片）
現年54歲嘅郭富城2017年娶細佢22年嘅方媛。方媛同城城拍拖兩年就成功將佢收服，城城仲一改常態經常放閃。兩人結婚時城城岳父同城城講:「我從小就聽你的歌長大的！現在我把女兒交給你，希望你好好對待她。」個畫面真係非常尷尬。二人結婚後三年抱兩，不羈嘅城城亦變咗Famliy Man，真係一物治一物。
城城岳父、岳母與方媛。（網上圖片）
謝賢69歲時同當時只有20歲嘅Coco拍拖，兩人有足足49年差距。二人不時被影到喺公開場合擁抱親吻，仲合體錄節目。謝賢喺2008年參加《舞林大會》講：「這是我最後一段感情，我想好好保存！」Coco亦剖白：「和他在一起很幸福，但壓力也很大。最幸福的是他是一個很紳士的男人，我很受呵護，我很榮幸！」恩愛到爆！
謝賢與Coco（東星娛樂）
大家都唔睇好，但偏偏佢哋11年後依然恩愛。（微博圖片）
2012年杜德偉在50歲時娶細佢24年嘅李曉冰，杜德偉嘅岳母仲細過佢一歲。最後杜德偉用真誠打動岳父岳母，眨吓眼兩人囡囡都已經3歲。杜德偉不時都放吓閃Post老婆嘅大笑相留言：「就是為了可以每天都能看到這笑容，所以娶你為妻。」老婆一定非常冧呀！
（網上圖片）
（杜德偉微博）
撰文: 黃蘊姿