馮允謙跳彈床拍唱片封套

馮允謙（Jay）加盟寰亞音樂，趁在農曆新年前推出新專輯《DETOUR》。Jay拍唱片封面時可謂豁出去，為達到最佳效果，他要在彈床上跳躍跌倒數百次，Jay說︰「之前同事話要拍到我好型，原來係跳到頭髮飛起晒，成身大汗。」

馮允謙推出新歌《尋找白金漢》後，亦為新碟做足準備工夫，他滿有信心表示︰「為咗以最佳狀態拍攝唱片封套照，呢個星期我將所有平時會食嘅快餐店食物、薯片全部戒晒，多菜少肉少澱粉質。」

Jay不諱言日前雖然吃了自助午餐，但全部係揀蒸煮食物，食齋和魚，「夜晚都只係食菜同埋少少肉，今次真係好乖。」

Jay特別提及攝影師想用特別的方式來表達「跌」的感覺，他解釋︰「你見到我喺張彈床不停咁又跳又跌，就係要做到佢要求嘅效果，之前同事話今次拍攝會表現我好型嘅一面，原來係跳起跌到頭髮飛起晒，成身大汗咁型。」

提及平日習慣夜睡的他，在拍攝封套那星期，Jay亦要乖乖在晚上11時前上床，翌日早上起床後跑步，非常健康。他說︰「呢個星期真係做咗好多運動，所以公司同事見到我，都話我比平時更精神、更有活力。」

撰文︰Steven

編輯︰陳禮恒

美術︰李明