【聲明】港生活網站並無進行電話推廣活動

陳靜︰有心理準備生B 要同男朋友研究

發佈時間: 2020/01/15

陳靜(DaDa)和余安安前晚出席新片《Baby復仇記》座談會,在片中演孕婦的DaDa笑言十分喜歡小朋友,更已有心理準備,希望幾年內造人成功做媽媽。

陳靜和余安安在新片中扮演新抱與奶奶,DaDa笑言未試過做媽咪,所以拍戲時獲安安給予不少意見。現年30歲的DaDa笑說︰「拍完套戲知道好多(懷孕)細節,生小朋友有好多責任,我心理上都準備好生BB,但欠缺穩定嘅緣份,穩定啲先算,希望(生仔)係呢幾年嘅事。」她相信男朋友都有生仔的想法,笑言會跟男朋友研究,認為大家都有心理準備才做父母。

余安安唔願湊孫

余安安在現實中是兩女之母,她表示拍戲時勾起不少陀B往事︰「以前大肚嗰陣會日思夜想,成日擔心BB健康,又試過夢見BB無咗隻腳,起身嗰刻不停標冷汗!」她透露女兒已有生B計劃,所以她已跟囡囡分享相關經驗︰「我畀晒心理準備個女,例如生完之後人生有咩改變。」她也十分期待做外婆,笑說︰「我有BB玩就開心,不過我只係會玩唔會湊,因為我親力親為湊大兩個女已經足夠,收工㗎啦!」

撰文︰Pauline

編輯︰李潔盈

美術︰李明

攝影︰林良明

陳靜︰有心理準備生B 要同男朋友研究

余安安笑言為人父母,最緊張是子女的健康。