【為何永遠放不低】薛世恒曾陷財困委屈陳法拉 感激前妻共度時艱不捨變賣婚戒

ViuTV節目《一切從失婚開始》安排經歷過婚姻失敗嘅團友包括李麗珍、葉蘊儀、薛世恒、趙頌茹同幾位素人組成三團，去到唔同國家了解當地嘅婚姻文化，令佢哋對婚姻價值觀有全新體會。節目中團友各自分享自身經歷和離婚原因，互相給予意見，從婚姻失敗邁向新開始。

相關新聞：一切從失婚開始】薛世恒獲美女票選7比0完勝姜濤 因離婚由滴酒不沾變借酒消愁

{{hket:inline-image name="5.jpg"}}{{/hket:inline-image}}

（大會提供）

今晚播出嘅一集，薛世恒同葉蘊儀就喺街頭擺檔售賣自己嘅「愛情遺物」。葉蘊儀選擇出售由前夫所贈的一隻貓嘅相片。佢表示隻貓係前夫送畀自己嘅一份驚喜禮物，亦係多年嚟佢最深刻嘅禮物。而薛世恒坦言最初第一件諗起嘅愛情遺物就係結婚戒指，不過佢最終都係打消出售呢個念頭。

{{hket:inline-image name="3.jpg"}}{{/hket:inline-image}}

（大會提供）

身為Neway太子爺嘅薛世恒原來都曾經試過財困，佢憶述：「當時行街佢（前妻陳法拉）見到有一set戒指連頸鏈好靚，好鍾意。但當時自己嘅經濟出現問題，無能力可以買到畀佢。再加上結婚嘅事又唔可以同其他人講，所以最後就買咗一隻比較Fashion啲嘅戒指去取代。」薛世恒表示感恩曾有前妻陳法拉陪伴自己度過最艱難嘅時刻。

{{hket:inline-image name="4.jpg"}}{{/hket:inline-image}}

（大會提供）

佢指依家「唔識處理」呢隻戒指，但薛世恆最終都冇兜售戒指，反而選擇「賣藝」。佢指自己本來喜歡寫作，而寫信亦是同前妻獨有嘅溝通方法，所以即場創作浪漫詩句寫在以前用剩的信紙上送給途人，都係另類嘅「放下愛情遺物」。

{{hket:inline-image name="2.jpg"}}{{/hket:inline-image}}

（大會提供）

{{hket:inline-image name="79537226_460622951514817_517783117309970610_n.jpg"}}{{/hket:inline-image}}

反之，法拉已經Move on，同法籍老公成日周遊列國。（IG圖片）

另一邊廂，趙頌茹(阿Yu)在探訪日本離婚事務所時指，由於當初是單方面向法庭申請離婚，所以等待時間十分漫長。佢回想起曾獲陌生途人鼓勵時非常感動，首次喺節目中落淚：「嗰時行街，會有太太經過同我講聲加油；搭巴士既時候，有位年輕男士寫咗張加油嘅紙仔畀我；甚至係餐廳都有人寫封信鼓勵我，叫我加油。原來有啲事情並唔係你想像中咁壞。」

受到各方打氣嘅阿Yu表示自己從不同人身上得到力量，令佢可以重新面對群眾。阿Yu表示依家冇再婚打算，亦唔急於搵對象。佢指理想對象係擁有相同價值觀、願意為家庭犧牲同互相幫助嘅人。

{{hket:inline-image name="1.jpg"}}{{/hket:inline-image}}

（大會提供）

撰文: 黃蘊姿