馬景濤喺台灣因演出瓊瑤作品《梅花烙》同《青青河邊草》等劇集而大紅，佢充滿爆發力嘅演技為佢帶嚟「咆哮帝」嘅稱號。
{{hket:inline-image name="W020150324592266105750.jpg"}}{{/hket:inline-image}}
佢有好多演出都變咗潛力圖。（網上圖片）
1994年，無線電視購入《倚天屠龍記》，喺當年香港播映世界盃足球賽事期間仍創下高收視率，令馬景濤成功打開香港市場，更得到「師奶殺手」嘅稱號。同年無線相繼播放佢主演嘅電視劇《梅花三弄》之《梅花烙》及《水雲間》，令佢喺香港迅速人氣急升。
{{hket:inline-image name="hqdefault.jpg"}}{{/hket:inline-image}}
（網上圖片）
{{hket:inline-image name="7c0d0f77gy1fp57b1f32ej20zk0qotcj.jpg"}}{{/hket:inline-image}}
（馬景濤微博）
馬景濤後來應亞視邀請，再主演多套電視劇，其中《再見艷陽天》創下高收視，原定馬景濤嘅角色「方賀生」只佔戲十多集就戰死，但因為觀眾反應熱烈去信要求電視台將「方賀生翻生」，因此順應「民意」亞視再度邀請馬景濤來港再加入劇組拍攝，並更改劇情為失憶後與女主角陳秀雯重逢，可謂史無前例。
{{hket:inline-image name="20180328213644261.jpg"}}{{/hket:inline-image}}
（《再見艷陽天》截圖）
馬景濤近年將工作重心移往大陸，佢第一任老婆唐韻就因為馬景濤長期喺大陸拍戲兩地分居而離婚。兩人育有一個女馬世嬡，女兒由馬景濤獨自撫養長大。
{{hket:inline-image name="7c0d0f77gw1f5yz4uhlllj21be0qok39.jpg"}}{{/hket:inline-image}}
阿女已經亭亭玉立，同爸爸餅印咁。（馬景濤微博）
2007年初馬景濤同細佢21年嘅內地藝人吳佳尼再婚，婚後馬景濤將時間主要都花喺家庭上，極少出山演出新嘅電視劇，主力照顧兩個仔，馬世天同馬世心。不過婚後十年，馬景濤同第二任老婆都係離婚收場。離婚後兩人保持良好關係，兩個仔過生日時都會共同度過。
{{hket:inline-image name="7c0d0f77jw1ez8n7hy9f0j20go0m8q5s.jpg"}}{{/hket:inline-image}}
（馬景濤微博）
{{hket:inline-image name="7c0d0f77jw1f3np8kshloj20oz18ggw8.jpg"}}{{/hket:inline-image}}
（馬景濤微博）
好耐冇喺熒光幕前露面嘅馬景濤，間唔中都有喺佢嘅社交網上傳新相，不過佢上傳嘅相都係啲造型照同大側面，唔係好睇到佢嘅真樣。雖然已經年屆57歲，不過Keep住有做運動嘅佢身形依然好Fit，佢仲成日着貼身衫騷肌派福利添！
{{hket:inline-image name="7c0d0f77gy1g4yk7q91svj21400u0k5q.jpg"}}{{/hket:inline-image}}
（馬景濤微博）
{{hket:inline-image name="7c0d0f77gy1g8wawxslw9j22io1w04qs.jpg"}}{{/hket:inline-image}}
（馬景濤微博）
日前傳馬景濤收厚酬去到農村做「婚禮歌手」，消息指佢唱一首歌就有30萬人民幣酬勞，有指佢近年冇戲拍，所以都係靠商演搵食，當事人就暫時冇回應。不過馬景濤收幾多歌酬都未必係重點，重點係「網民照妖鏡」將佢出賣咗！相中嘅佢留長頭髮，霎眼睇有啲似夏韶聲，不過髮線就明顯後移，顯得佢非常滄桑。
{{hket:inline-image name="bkn-20200115222203745-0115_00862_001_02b.jpg"}}{{/hket:inline-image}}
（網上圖片）
{{hket:inline-image name="bkn-20200115222203745-0115_00862_001_03b.jpg"}}{{/hket:inline-image}}
（網上圖片）
{{hket:inline-image name="bkn-20200115222203745-0115_00862_001_06b.jpg"}}{{/hket:inline-image}}
（網上圖片）
{{hket:inline-image name="TUNGSTAR5492705.jpg"}}{{/hket:inline-image}}
真·夏韶聲（東星娛樂）
撰文: 黃蘊姿
