黃芷晴做生意唔靠Daddy

黃芷晴昨日擔任《"Mick" the Holidays Bright》期間限定店一日星級店長。經營首飾生意的她，最近又有計劃開烘焙店，不過芷晴重申不會用父母的錢，要靠自己發展事業，亦因此令她暫時擱置感情事。

黃芷晴被問到有甚麼推銷技巧？她笑說︰「自己就好被動，但係做一日店長就要主動少少，或者會同啲客講呢啲係店主自留款式。」

她表示媽媽梁潔華喜歡公仔，打算在店內挑選公仔送給媽媽，也會買利市封給爸爸黃日華，她說︰「以前都試過自己設計啲利市封畀Daddy，見到鍾意嘅利市封會叫他用嚟封利市畀我，好開心可以做店長，自己細個夢想都想幫呢個品牌設計產品。」

喜歡設計花卉擺設的芷晴最近嘗試為朋友製作情人節花。她又透露計劃投資六位數開設樓上烘焙店，邊學邊做。問到會否叫爸爸黃日華打本開店？她就說︰「一定唔會，自己錢自己賺，佢都有畀意見我，叫我做生意要諗清楚。」

重視愛情忽略事業

問到芷晴會否重視事業而忽略愛情？她笑說︰「我唔係女強人，都係慢慢學，以前愛情大過天，反而依家想喺事業方面再努力啲。個人又比較穩陣，之前都唔係好敢嘗試，錯過咗機會，今年會試多啲。」問到會否擺風水陣增加財運？她說︰「都有睇下生肖書，自己屬馬今年會辛苦少少，風水陣就唔會喇。」

採訪︰Pauline

編輯：黃卉彤

美術：勞偉健