《開心少女組》陳加玲退隱生意瓣數多遍及四國 52歲同法籍男友拍拖唔急結婚

大家仲記得第一代「開心少女組」嗎？由羅明珠、羅美薇、李麗珍、陳思行（前名陳加玲）及袁潔瑩組成，五個女仔年紀輕輕就進入娛樂圈，一同接拍多部電影。其中陳思行80年代憑演出《開心鬼》系列姚瓊一角而成功上位，不過到96年就宣布退出娛樂圈，之後生活一直低調，到近排先開始活躍返，你哋又知唔知佢近況？

{{hket:inline-image name="a3f3982428409005619.jpg"}}{{/hket:inline-image}}

《開心鬼》姚瓊令人記憶深刻（網上圖片）

{{hket:inline-image name="054101015D6F59C0B09CD08E4A50503D.jpg"}}{{/hket:inline-image}}

（網上圖片）

{{hket:inline-image name="ccc.jpg"}}{{/hket:inline-image}}

酒窩真係好迷人（網上圖片）

陳思行嘅家姐係資深演員陳秀雯，當年陳思行被黃百鳴發掘進入娛樂圈，之後在80、90年代拍過唔少電影，到91年為求突破曾演出過三級電影《聊齋艷譚續集：五通神》，並同黃秋生有唔少對手戲。1996年，陳思行正式宣布退出娛樂圈，之後轉投金融事業，而且發展得有聲有色，近幾年在泰國、日本及北京都有投資做唔同生意。2018年，陳思行重返娛樂圈，開始活躍返，不時出席下活動，同時又做幕後，執導電影《宇宙有愛浪漫同遊》，其後作品在大陸上映，陳思行真係好有才華好叻！

相關新聞：《開心少女組》50歲林穎嫺居美仍留意香港政局 為子女追夢放棄買樓

{{hket:inline-image name="TUNGSTAR6190142.jpg"}}{{/hket:inline-image}}

陳秀雯（東星娛樂）

提到陳思行同陳秀雯，不得不講兩姊妹當年曾因陳秀雯前夫林國雄反過面，錢銀風波非常激烈，陳加玲更以接近三千字的聲明作反擊，用卑鄙、無恥、賤格、下流的物體來形容林國雄，對親姐陳秀雯也不留情面。搞到陳秀雯以一首曹植的古詩「相煎何太急」來回應其妹，希望可以和解。

{{hket:inline-image name="d76f27d6gy1fe5u6o6dm6j20yv0pttfn_600.jpg"}}{{/hket:inline-image}}

（微博圖片）

現年52歲的陳思行仲係未婚，但身形外貌keep得唔錯，一笑酒窩就更加迷人，因此異性緣一直唔錯。現時佢有個拍拖三年多的靚仔法籍男友，男朋友係做電腦和法國商品生意，二人交往穩定，但未有結婚計劃，陳思行仲話好享受而家嘅生活狀態，大家仲係熱戀期。加埋法國人唔着重結婚，而陳思行都覺得一張證書唔重要，最緊要係大家開心。陳思行都想再係事業上努力，未來有意再做老闆，仲打算投資拍一部西片進軍國際添！

{{hket:inline-image name="TUNGSTAR6053787.jpg"}}{{/hket:inline-image}}

18年執導電影《宇宙有愛浪漫同遊》時出席記者會，外貌都keep得好好（東星娛樂）

{{hket:inline-image name="TUNGSTAR4916032.jpg"}}{{/hket:inline-image}}

出席黃百鳴兒子婚宴（東星娛樂）

撰文：羅慧怡