現年21歲嘅莊錠欣（Elkie）係無綫童星出身，參演過嘅香港劇集多達三十部，例如《好心作怪》、《富貴門》同《回到三國》等，相信大家對佢都唔會覺得陌生。而早喺佢做童星之前，就加入過薛家燕旗下少女組合Honey Bees，細細個已經識得上台表演同面對鏡頭，真係天生做星嘅材料呀！
{{hket:inline-image name="Cg30010_img_750_h.jpg"}}{{/hket:inline-image}}
（網上圖片）
{{hket:inline-image name="CG30004_img_750_h.jpg"}}{{/hket:inline-image}}
（網上圖片）
{{hket:inline-image name="CG30003_img_750_h.jpg"}}{{/hket:inline-image}}
Elkie（中）細細個已經係「女團」Honey Bees成員。（網上圖片）
2015年喺Cube娛樂的海外公開選秀合格以17歲之齡成為練習生，2016年仲加入已出道嘅韓國女子組合CLC出道，做埋組合嘅領唱。韓流大行其道之下，喺香港土生土長嘅Elkie都可以有咁好成績，真係為港女爭光！
{{hket:inline-image name="113182-697445.png"}}{{/hket:inline-image}}
Elkie（中）就好似漆黑中嘅螢火蟲一樣！（網上圖片）
{{hket:inline-image name="Cg30009_img_750_h.jpg"}}{{/hket:inline-image}}
細細個係咁嘅樣。（網上圖片）
{{hket:inline-image name="007EJu44gy1gafso6xkp4j31kw16oh71.jpg"}}{{/hket:inline-image}}
大個係咁嘅樣，大家一齊見證佢係純天然！（Elkie微博）
{{hket:inline-image name="007EJu44gy1g50fiqwaijj31400u3dkj.jpg"}}{{/hket:inline-image}}
好靚女！（Elkie微博）
除咗歌唱之外，Elkie仲參與拍攝韓劇《富家公子》，表演超搶Fo，係首個香港人喺韓劇中有咁重戲份，第一次就已經得到唔少韓劇迷嘅喜愛。
{{hket:inline-image name="Cg30017_img_750_h.jpg"}}{{/hket:inline-image}}
細細個就係「戲精」，表現梗冇失禮。（《富家公子》截圖）
Elkie仲一啲都冇忘本，曾經返到香港出席「韓流舞蹈模仿大賽」嘅評審，有班參賽者大跳CLC嘅舞令佢感動喊，佢話覺得好神奇、好開心，好似返到屋企咁。
{{hket:inline-image name="007EJu44gy1g4zeofh2v4j31400tz0xl.jpg"}}{{/hket:inline-image}}
（Elkie微博）
Elkie將港式食品「發揚光大」，自爆曾經喺宿舍親手炮製美食畀隊友，試過整臘腸炒飯、蒸臘腸同埋港式公仔麵，相信好多粉絲都好想食到佢親手煮嘅嘢呀！
{{hket:inline-image name="007EJu44gy1g4zeojvyroj30ku0rsai4.jpg"}}{{/hket:inline-image}}
（Elkie微博）
{{hket:inline-image name="007EJu44gy1gaqnside77j31o02807wi.jpg"}}{{/hket:inline-image}}
（Elkie微博）
{{hket:inline-image name="007EJu44gy1g3jhnzrts9j32io1w0qv5.jpg"}}{{/hket:inline-image}}
（Elkie微博）
撰文：黃蘊姿
