何基佑（Kay）主持的節目《超級奶爸》為不少家庭解決養育子女的困難，正所謂家家有本難唸的經，每個家庭面對的問題都不一樣，Kay直言除了自己讀畢家長及幼兒教育課程以外，在節目中面對不同的個案，也讓他獲益良多。原來Kay和太太鍾凱瑩（車仔）都有著不一樣的童年，現時他們結婚9年，育有一子一女，兩個活潑可愛的小朋友正是4歲兒子何清義和1歲女兒何珊娜。
相關新聞：周柏豪寒風下接妻女出院 成功換過3次片阿女暫名叫做...
一家四口格仔裝，好可愛。(圖片：《晴報》圖片)
Kay榮升「超級奶爸」後，對子女教育都增添了不少心得。(圖片：《晴報》圖片)
車仔慶幸做媽媽前能夠原諒自己媽媽的過失。(圖片：《晴報》圖片)
車仔從不快的童年中成長，幸好最終尋覓到幸福與Kay建立家庭。(圖片：受訪者提供)
車仔從小缺乏家人照顧，爸爸童年時發高燒導致失聰，所以家人特別緊張小朋友發燒，車仔憶述當年發高燒的回憶，她說：「我三年班開始就已經住兒童之家，長時間冇同父母一齊相處。有一次我發高燒，補習姐姐送我去醫院，媽媽到醫院的第一句係問要畀幾錢住院費...呢句說話令我好深刻，記到依家。其實依家我做人媽媽，見自己個仔唔舒服，我都想佢快啲好，寧願病嗰個係我，但點都唔會諗到呢啲說話。」
她直言現時跟兒子相處，感受到他的滿足感和自信心跟自己童年有所不同，她說：「慶幸係我生仔之前，已經可以放下同原諒阿媽對我細個時嘅傷害，否則好可能影響埋我嘅下一代。依家聽到個仔問我：『點解媽媽咁愛我嘅？』呢個簡直係無價。」
Kay年輕時由外國回流返港生活「無王管」，當時未定性亂識女仔，他形容：「當時用錯方法去搵滿足感同愛，發現愈來愈唔開心，組織家庭同生育小朋友之後，縱然責任超大，但你得到嘅幸福同滿足係不能言喻。」Kay能夠抱得美人歸，除了改掉過往的陋習之外，還學識花時間相處、包容對方和互相坦承。
相關新聞：老婆順產誕6磅B女「小乖乖」 林子善感慨母愛偉大哭成淚人
車仔的爸爸好錫一對孫仔孫女。(圖片：受訪者提供)
車仔認為夫妻關係與子女關係密不可分，當夫妻關係好，小朋友自己有滿足感，所以她跟Kay最少每月抽一次二人世界的拍拖時間，好令兩人關係保鮮。上一代父母打鬧子女是少不免，現今世代的家長總是鼓勵以教育代替打鬧，Kay說：「打鬧仔女好容易做，效果亦好快，不過唔健康。」車仔說打鬧不能夠直接令錯事改過，部分小朋友會怕被打而傾向想辦法不要被發現做錯。
Kay說：「家長共通點都係想教好小朋友，只係搵唔到健康、有效又容易執行嘅方法。同小朋友唔一致係每個父母都會經歷，無論係近來社會事件、大學揀科、搵工、揀配偶等等，父總係覺得小朋友好細，但其實唔可以永遠捉住小朋友隻手去行。有兩件事要畀小朋友知，屋企大門永遠為你打開，同埋你做咩事，屋企人都一定支持你，我哋都會永遠愛你。」
結婚9年來，Kay同車仔都會抽時間拍拖令關係保鮮。(圖片：受訪者提供)
一對寶貝仔女是車仔的心肝椗。(圖片：受訪者提供)
好可愛。(圖片：受訪者提供)
(圖片：受訪者提供)
(圖片：《晴報》圖片)
(圖片：受訪者提供)
(圖片：受訪者提供)
的確，Kay同車仔關係非常恩愛，訪問過程中都拖實手仔，在幼稚園上學的何清義都特別活潑可愛，知道囝囝何清義將要被訪問時，Kay原本滿有信心說：「你哋問佢啦，佢成日都話好鍾意爸爸！」沒想到當離開父母視線範圍之外，何清義被問到鍾意爸爸定媽媽，他說：「我鍾意媽媽，因為媽媽靚啲。我似媽媽，妹妹似爸爸。」
撰文：楊安莉
攝影：羅灝駿、潘卓炘、王華婷、楊嘉傑
場地：Ludus Kindergarten & Nursery
髮型：Patrick Chan@MUSE