【聲明】港生活網站並無進行電話推廣活動

全新概念店開幕 屈臣氏推新科技 智能護膚 彩粧專區

發佈時間: 2020/01/21

黛安平時最鍾意去Shopping,噚日屈臣氏喺屯門市廣場1期2樓嘅全新玩美概念店開幕,黛安梗係要去睇下啦!新店用新科技帶嚟好多智能購物樂趣,好似新舖首推嘅Tap&Shop 24小時自助點購站,只要通過店外嘅電子屏幕就可以全天候訂購產品,仲可自選到分店攞貨或送上屋企,啱晒夜歸嘅上班族。新舖仲有個護膚專區,引入Meitukey智能皮膚分析,等大家按個人所需選購適合嘅護膚產品。

香港屈臣氏董事總經理李家樂(Samuel)同黛安講,Tap&Shop點購站喺1年前推出,今年將服務延至24小時,涵蓋超過1萬種產品,加上逾400個獨家品牌,方便客人隨時可購物。Samuel又話,點購站嘅產品選擇廣泛,可補充店舖部分暫時缺貨或因有限空間而未能上架嘅貨品,有助減少顧客流失。

此外,新店仲有多個顧客體驗區,包括makeup station彩粧專區,有專業化粧師同美容顧問駐場,為客人提供專業服務。專區亦設有lip bar,畀客人試用過百款唇膏,非常多元化。

Samuel仲話,新店引入咗更多獨家美粧品牌,包括法國品牌Marionnaud Paris同埋日本品牌SOFINA等,佢形容新店係「進一步以科技及潮流帶動年輕人消費,結合綫上同綫下購物無縫旅程」,同時利用大數據將最切合客人需要嘅產品資料及優惠發送出去。咁好玩又全面嘅美粧店,大家快啲去體驗下啦。

香港屈臣氏董事總經理李家樂即場示範如何使用智能皮膚分析,了解個人皮膚問題。

撰文: 黛安 消息特靈八卦公關
欄名: 八卦名利場