外傭生鐵鑊放上電磁爐煮食 僱主笑爆：一直扶住唔敢放手【附專家解答】

生鐵鑊也可用於電磁爐? 有市民家中煤氣爐日前發生故障，「轉數快」的外傭竟想到把生鐵鑊放到電磁爐上煮食，令僱主也「笑到肚痛」，但最終竟成功煮到餸，引起網民熱議。有專家指生鐵鑊的確可放於電磁爐上使用，但鑊身容易傾側，隨時釀成意外，應採用平底鑊。

一名僱主上周四（16日）於Facebook群組「外傭僱主必看新聞訊息」分享一張照片，只見圖中一個圓底生鐵鑊被放在電磁爐上煮食，僱主留言表示：「找到亮點？咩玩法？笑到肚痛，每日都有新鮮笑料。」僱主後來解釋，由於家中煤氣爐發生故障，外傭姐姐遂把生鐵鑊放到電磁爐上使用，期間「一直扶住個鑊唔敢放手」。

{{hket:inline-image name="83118433_10159230571748146_6139130303333007360_n.jpg"}}{{/hket:inline-image}}

一個生鐵鑊被放在電磁爐上煮食。（Facebook圖片）

女僱主同時貼出製成品，指雖然烹煮時間較長，但仍能順利煮好晚飯，只見相中食物賣相正常，有網民大讚：「煮出嚟個樣仲好靚仔添喎」，連女僱主也不禁讚嘆：「得一點發熱都可以煮到，真係好勁」、「原來所有鑊都可以用電爐」、「之前一直被瞞騙」。

{{hket:inline-image name="82112651_10159230715168146_5581722244997971968_n.jpg"}}{{/hket:inline-image}}

僱主貼出「成品」家鄉咸湯圓。（Facebook圖片）

不少網民分享自己的經驗：「真係煮到架，我姐姐（家中外傭）都試過」、「我家姐姐，不銹鋼尖底鑊，上電磁爐，蒸魚都試過。」但也有網民質疑是否可行。

理工大學機械工程學系前工程師盧覺強接受《晴報》訪問時證實，一般而言鋁、不銹鋼和生鐵鑊等金屬鑊都可放於電磁爐上使用，但正常應採用平底鑊，以免煮食時傾側發生危險，至於玻璃容器同樣可在電磁爐使用，塑膠、瓦煲則不行。但盧覺強提醒，使用電磁爐前最好先細閱說明書，了解所用的廚具是否適合放在電磁爐上使用。

撰文：蘇麗儀