McCafé x Lindt推新系列 歎甜蜜玫瑰鮮奶咖啡

黛安閒時都會去McCafé歎杯咖啡，聽公關姊妹講，最近McCafé同瑞士朱古力品牌Lindt製作甜蜜驚喜，明日（23日）起會推出限定「玫瑰系列」，包括「玫瑰鮮奶咖啡」、「玫瑰朱古力」同「玫瑰芝士蛋糕」。其中「玫瑰鮮奶咖啡」嘅香濃厚滑鮮奶咖啡，備有凍、熱飲選擇，入口細緻順滑，散發陣陣淡雅宜人嘅玫瑰花香，加上咖啡師精緻嘅心形拉花圖案，夠晒浪漫啦。

全新配方嘅「玫瑰朱古力」最啱「朱古力控」嘅朋友，濃郁朱古力散發出淡淡玫瑰香；「玫瑰芝士蛋糕」則口感綿密，淡淡玫瑰芳香與柔滑細膩忌廉芝士真係完美結合，加上粉紅色外形配上玫瑰花瓣，賣相夠吸引。「玫瑰系列」飲品仲會附上一粒瑞士蓮LINDOR牛奶軟心朱古力，實在係雙重幸福滋味啦。