馮盈盈 (Crystal) 與拍拖4年的醫生男友Martin去年底宣布分手，令唔少人都覺得可惜，二人原本同居試婚，已經進入談婚論嫁階段，同居單位馮盈盈都有份比首期，但業主名一欄就冇份，過往男友負責供樓，而佢就負責水電開支。分手時馮盈盈曾經眼腫腫現身，透露係深思熟慮下先決定分手，當中絕對唔涉及「第三者」，主因係「相處容易同住難」，最後都係覺得做返朋友比較好。
馮盈盈同Martin結束四年情，唔少人都覺得可惜。（IG圖片）
分手時馮盈盈對住鏡頭爆喊。（東星娛樂）
雖然愛情失意，但馮盈盈事業發展得唔錯，最近更係劇接劇，極為忙碌。日前就被人影到佢返回將軍澳電視城為節目錄影，拍攝中途則同陸浩明去餐廳醫肚，不過馮盈盈全程無咩心機，又笑容欠奉，好快食完就入返去拍攝，似係仲未從情傷中康復。
相關新聞：【同居半年試婚】馮盈盈與醫生男友4年情玩完 挑戰「寶寶」底線分手有跡可尋？
{{hket:inline-image name="81300890_2658297344286777_900284858895325640_n.jpg"}}{{/hket:inline-image}}
馮盈盈最近狀態大勇，在IG大post靚相。（IG圖片）
至於昔日位於何文田豪宅區的愛巢，該單位現時丟空了，馮盈盈已經遷出，搬返娘家居住，而舊愛Martin亦搬回自己屋企。馮盈盈之前曾講過佢會想辦法處理呢個同居單位，原來二人已經悄悄找到地產經紀代為將單位放租。
Martin都有跟過馮盈盈出席活動。（IG圖片）
近日在一個租樓網頁上發現馮盈盈同舊愛昔日同居的單位放租，該單位位於何文田豪宅區，面積565呎，2房2廳連500呎天台，開價月租33,000港元。網站還附有多張相片供人參考，看來是馮盈盈入住期間的家具和擺設，令昔日愛巢「原汁原味」全曝光。從客廳照片可見，當中的梳化同油畫，同馮盈盈之前於IG 上傳過的照片內所坐的梳化是一模一樣，油畫亦是一樣。
馮盈盈早前於IG上傳的相，梳化跟放租單位一樣。（IG圖片）
網站放租的單位仍擺放著幾個粉紅色心心氣球。（網上圖片）
相信係馮盈盈同Martin當日搬得好急，單位好多野都原封不動，廚房內的「砂煲罌罉」未有攞走之餘，客廳仍擺放着幾個粉紅色已漏氣的心形氣球，梳化上的毛毯都冇帶走，或許係擔心再見一事一物會觸景傷情，所以不帶走，任由「回憶」留在單位內，不過就未知租金會唔會包埋以上擺設。
昔日同居愛巢。（網上圖片）
（網上圖片）
（網上圖片）
撰文：羅慧怡