黛安
黛安

太古地產「書出愛心」 下周日起徵書義賣

發佈時間: 2020/01/23

太古地產「書出愛心」 下周日起徵書義賣

閱讀可增長知識亦能減壓,黛安睇完嘅書都想捐出嚟同人分享,好開心知道太古地產嘅周年書籍慈善義賣「書出愛心.十元義賣」又嚟喇,佢哋由下個月1日起至3月31日開始收書,今年收書點仲超過40個。活動係由太古地產贊助,並由太古地產「愛心大使計劃」聯同香港小童群益會及義務工作發展局合辦,籌得善款將悉數捐畀支持香港小童群益會嘅「群益寶庫」兒童發展計劃,以及義務工作發展局推動義工服務發展。

公關姊妹話,「書出愛心.十元義賣」活動一直獲廣大支持,單喺去年活動已籌得超過76萬元。今年慈善義賣定於4月23至26日,一連4天喺鰂魚涌太古坊舉行,所有收集嘅書本一律以10元出售,但要留意教科書同埋有明顯損壞嘅書籍,如發霉、弄髒等都唔會回收㗎。活動共有44個收書點(詳情:bit.ly/2v5Z86g),以及太古地產辦公大樓同商場、小童群益會及義務工作發展局服務中心。

撰文: 黛安 消息特靈八卦公關
欄名: 八卦名利場