楊千嬅爆老公深夜煲晒 《多功能老婆》

劇集《多功能老婆》前晚舉行慶功宴兼萬元幸運大抽獎，楊千嬅與黃浩然合力抽獎時，竟抽中陪老婆出席的丁子高，千嬅真假老公同台，為大家帶來不少歡樂！

該劇總監製陳寶華與高層杜之克、余詠珊、何哲圖率領一眾演員及幕後人員出席，有千嬅及老公丁子高、周柏豪、黃浩然、朱晨麗、洪永城、吳若希等。而寶華姐、千嬅，柏豪齊齊大手筆掏腰包，以過萬元大玩幸運抽獎，人人有份，其中王梓軒雖未有出席，仍送上現金抽獎。除了千嬅與黃浩然抽獎抽中丁子高之外，最搞笑的是柏豪抽獎抽中自己女兒，原來他寫上女兒的名字放入抽獎箱，料不到竟親自抽中。

席間有人提議開拍《多功能奶奶》，千嬅笑說︰「OK喎！如果做到穿越好呀！寶華姐嘅創作好勁，多功能可以拍好多嘢，拍一世都得。」對於有報道指丁生看到16集便不再看，她笑說︰「我覺得佢有睇晒，有晚我喺睡夢中聽到佳佳把聲，我心諗『唔通我精神衰弱』，之後醒咗，見到丁生成塊面發出白光，原來佢用iPad睇《多功能老婆》。」

拍續集要丁生放人

千嬅指今次慶功宴令眾演員再次聚首，十分難得，亦趁機團年，她又多謝寶華姐給予機會讓她演藍飛一角。說到得獎的意義，千嬅說︰「若沒有大家一齊努力就唔會得到『最受歡迎女角色』呢個獎，所以獎項係屬於寶華姐及整個劇組，個人最大得着係拍攝過程及自我增值，令我對劇本有一個新睇法，日後再拍劇都好有幫助。」對於開拍續集，寶華姐笑言最緊要公司肯投資，其次是丁生是否肯讓千嬅再拍劇。

撰文︰Pauline

編輯︰黃卉彤

美術︰梁政敏