【武漢肺炎】葉璇拒食竹鼠蝙蝠被唱扮大牌 呼籲禁絕野味大陸網民咩反應？

武漢肺炎疫情爆發後已擴散全國多個省市，確診人數不斷攀升，令人心惶惶。而唔少要喺大陸開工嘅藝人都相當關注事件，葉璇尋日就轉載咗人民日報微博，呼籲大家禁絕野味市場，又大爆自己做節目時曾被迫吃野味：「想起有個製片人叫我們鏡頭前吃來歷不明的竹鼠、蝙蝠，有些演員拒絕吃，願意吃的演員就跟節目組欺負我們，還對外說我們不敬業耍大牌。」要用生命值嚟做節目，人仔認真唔易賺！

{{hket:inline-image name="33.JPG"}}{{/hket:inline-image}}

（微博圖片）

{{hket:inline-image name="_2020012222235547524.jpg"}}{{/hket:inline-image}}

（網上圖片）

微博一出，唔少網友留言對葉璇嘅遭遇表示同情，葉璇就回覆：「有人能整個蝙蝠頭嚼碎還對着鏡頭沾沾自喜，匪夷所思。」

{{hket:inline-image name="4.JPG"}}{{/hket:inline-image}}

（微博圖片）

葉璇話自己當時企硬唔食，諷刺照食嗰位演員冇原則：「簽合同時並没有條款要吃野味，拍攝期間突然叫我們吃。我們認為宣揚吃不衛生的食品不道德拒絕吃，但是製片人說為了收視率讓我們犧牲一下。很願意吃的那位，後來用詭計誣告别人不敬業也就可以理解了，原則標準不同。」

{{hket:inline-image name="bf8e3e2f-badb-45db-be77-5820c71a2da7.JPG"}}{{/hket:inline-image}}

（東星娛樂）

留言嘅大陸網民對於禁食野味幾乎一面倒支持，有網民更加話如果係中國人就轉發出去，唔好再做食野味呢啲「返祖」行為咁話。不過都有網民話網上呼籲冇用，因為食野味大多數都係老一輩嘅人，而佢哋根本都唔玩微博，認為最實際都係國家立法全面禁絕食野味！

{{hket:inline-image name="555.JPG"}}{{/hket:inline-image}}

（微博圖片）

撰文：黃蘊姿