提到賀年電影，點少得周星馳，星爺的喜劇唔單止笑到大家有腹肌，而同佢合作過的女明星，在內地藉星爺的招牌，已經可以唔愁工作。但曾經跟星爺合作的童星，際遇就真係人人唔同，有人繼續係行內發展，亦有人選擇退隱娛樂圈低調過生活，咁到底當中邊個發展得最好呢？
相關新聞：【童星蛻變】莊錠欣成女團要員兼拍韓劇 網民呻走漏眼：港女係最正！
{{hket:inline-image name="4a7889be-1e1c-479d-83cc-94e65e01dae9.jpg"}}{{/hket:inline-image}}
（網上圖片）
關佩琳
相信大家一定會記得關佩琳，當年8歲嘅佢喺電影《富貴逼人》飾演「招弟」，口齒伶俐、招招積積，真係好得意。由於角色深受觀眾歡迎，所以之後接連再拍續集《富貴再逼人》、《富貴再三逼人》同《富貴黃金屋》佢都有份做。而關佩琳同星爺合作的《望夫成龍》中，鬧到星爺頭耷耷一幕，都令人留下深刻印象。後來關珮琳於1994年淡出娛樂圈，完成大學後從事人力資源管理工作，一直低調享受人生。而對上一次關珮琳於舞台前亮相，已經是2016年香港電影金像獎上，於其中一個回顧經典港產片環節中和觀眾見面。
細細個的招弟好可愛！（網上圖片）
（網上圖片）
近年只有在2016年露過樣（影片截圖）
楊冪
楊冪5歲時拍過星爺的作品《武狀元蘇乞兒》，而家都活躍在內地娛樂圈，喺眾多拍攝過星爺電影的童星中，楊冪係最成功的一位，曾傳拍劇片酬高達8,000萬人民幣(約8,900萬港元)，並創立了市值估計達45億元的娛樂製作公司，捧紅了迪麗熱巴、代斯等旗下女星，吸金力超驚人。
拍《武狀元蘇乞兒》時楊冪仲好細個（網上圖片）
而家已經變成吸金力驚人的藝人（微博圖片）
徐嬌
徐嬌係《長江7號》中反串星爺仔仔「小迪」一角，令唔少觀眾記憶深刻，現時徐嬌已經係22歲的美少女，改行少女風路線嘅佢繼續係幕前發展，近年拍過電視劇《初遇在光年之外》同唔少電影。
（網上圖片）
徐嬌而家行少女風（微博圖片）
（微博圖片）
黃蕾
黃蕾在《長江7號》中演出小霸王富二代「陳俊生」，佢個樣變化都算大，現時已經變成亭亭玉立的22歲美女，亦不時在微博上載靚相。據知黃蕾正在讀大學，外貌同當年《長江7號》已截然不同，其軍服look仲受過內地網民激讚。
（網上圖片）
女大18變！（微博圖片）
姚文雪
係《長江7號》中助紂為虐的大肥仔「暴龍」，由當時已經係肥妹的姚文雪反串演出。姚文雪後來都有繼續演戲，佢能歌善舞，多才多藝，所以片約不絕，曾演出馮德倫的電影《跳出去》，仲有《特工艾米拉》，而家係一名喜劇演員。
（網上圖片）
（微博圖片）
姚文雪都有keep住拍電影（微博圖片）
撰文：羅慧怡