大王安德尊有TVB「御用財神」之稱，每年新年都見到佢「全副裝備」上陣開工。新年期間大王工作接踵而來，成個正月都排到密密麻麻。大王話佢新正頭日日都會出去做嘢，無論係社會、公司、客戶都好，仲話每年都一定超過廿個Job！」
{{hket:inline-image name="TUNGSTAR5070828.jpg"}}{{/hket:inline-image}}
（東星娛樂）
眾所周知新年show嘅酬勞比平時高好多，咁大王咪年年都豬籠入水？大王解釋自己做財神唔係為咗個「錢」字：「好多都係社會工作嚟嘅，做財神我好少為錢，有咩job我都做，最重要同大家玩吓、開心吓！」身為財神大王新年期間並冇好多利是收：「財神係派利是㗎，我好少攞利是，大吉利是咩！」
大王又分享做財神嘅心得：「最緊要開心，同埋令大家感受到個氣氛。有財神出現係幾開心㗎，就算着到紅噹噹，都同我着套財神出嚟係唔同㗎！」雖然大王次次都係笑面迎人，但其實做財神一啲都唔容易：「頭上戴住頂帽好重，而且又冇軟墊，係個木框嚟，所以如果由朝到晚戴著，有啲會頂唔順㗎，會覺得頭痛，變咗頭痛財神㗎喇！」
其實除咗安德尊之外，仲有好多藝人都扮過財神，新年見到佢哋，認真開心！
{{hket:inline-image name="U2423P8T1D964679F914DT20100126173544.jpg"}}{{/hket:inline-image}}
2010年譚詠麟喺電影《財神到》 中扮演財神總管，似模似樣。（網上圖片）
{{hket:inline-image name="w644.jpg"}}{{/hket:inline-image}}
修哥經常都會扮財神出活動大派利是，仲曾經為超級市場拍廣告而扮財神，見到都覺得開心。（網上圖片）
{{hket:inline-image name="0.jpg"}}{{/hket:inline-image}}
陳百祥喺《運財智多星》中飾演動咗凡心嘅「橫財神」。（網上圖片）
{{hket:inline-image name="U2423P8T1D964679F919DT20100126173544.jpg"}}{{/hket:inline-image}}
同樣都係《運財智多星》，程東就演正財神。（網上圖片）
{{hket:inline-image name="TUNGSTAR2373869.jpg"}}{{/hket:inline-image}}
黎耀祥係2017年賀歲劇《財神駕到》嘅主角。
{{hket:inline-image name="1484995569_ab96.png"}}{{/hket:inline-image}}
陳山聰喺劇集《財神駕到》中因為誤判財運被貶落凡間。（網上圖片）
{{hket:inline-image name="maxresdefault.jpg"}}{{/hket:inline-image}}
貶落凡間之後就化身成何廣沛飾演嘅王招財。（網上圖片）
{{hket:inline-image name="01300001362413131935142335227.jpg"}}{{/hket:inline-image}}
歐陽震華喺劇集《天降財神》中扮演嘅財神因為同壽星公打賭而落入凡間。
{{hket:inline-image name="bkn-20190827075748702-0827_00862_001_04b.jpg"}}{{/hket:inline-image}}
林盛斌拍攝電影《財神2020》有好多人服侍。（林盛斌IG）
{{hket:inline-image name="JCVQP9p35-1ZgpO5y28z7N32la2hyh0PwyHBZ8MhwWc.jpg"}}{{/hket:inline-image}}
劉德華2005年曾唱賀年歌《恭喜發財》扮財神。（網上圖片）
{{hket:inline-image name="TUNGSTAR5079920.jpg"}}{{/hket:inline-image}}
薛家燕每年都喺新城電台新春團拜上扮財神，係少有嘅女財神，福相嘅佢都毫無違和感。（東星娛樂）
撰文: 黃蘊姿
