踏入2020年後，80年代同依家就相差咗至少30年，30年可以令人有好大變化，但一班TVB前花旦就力保靚樣，例如陳法蓉、袁詠儀就成功凍齡；吳婉芳、萬綺雯、黎美嫻甚至誇張到逆成長，後生過以前。除咗佢哋之外，不如我哋睇吓其他女星個樣有冇變到啦！
1. 毛舜筠
毛舜筠59歲個樣都同以前都冇咩分別，唔怪得成為張國榮唯一公開承認愛過嘅女性。
2. 李麗珍
李麗珍被好多影迷封為「三級片女神」，如今以54歲的年齡，樣貌未有太大改變，只係身形唔同咗少少。
3. 陳松伶
陳松伶甫入行就因首部作品《天涯歌女》一炮而紅，以49歲嚟講，佢唔算係keep得最好嗰個。
4. 曾華倩
曾華倩曾連續6年獲台灣同馬來西亞最受歡迎港星冠軍，54歲嘅佢，只係臉形長咗少少。
5. 邱淑貞
邱淑貞加入影壇後奠定「性感女神」形象，依家51歲同個女好似姊妹咁。
6. 李嘉欣
大美人身為1988年度香港小姐競選冠軍、1988年度首屆國際華裔小姐競選冠軍，49歲冇咩走樣，但比以前瘦了唔少。
7. 黎姿
黎姿憑靚樣、豐滿身材被稱為「愛美神」，可惜48歲嘅佢瘦咗好多呀，塊臉凹晒。
8. 吳婉芳
吳婉芳52歲猶如得20幾歲！原來全因底子好，佢1986年參加香港小姐競選就奪得亞軍、最上鏡小姐同才華小姐，證明佢美貌係獲得大家肯定。
9. 陳法蓉
陳法蓉係1989年度香港小姐冠軍同國際華裔小姐亞軍，被稱為「TVB最美短髮女星」之一，53歲靚樣31年如一日都好正常！
10. 周慧敏
周慧敏曾獲封樂壇「玉女掌門人」，18歲因參加新秀歌唱大賽被星探發掘。依家52歲真係算係咁，仲好fit。
11. 萬綺雯
萬綺雯係1989年的亞洲小姐亞軍，被人稱作「香港第一美腿」。去到49歲嘅佢成熟咗，但都係咁靚。
12. 黎美嫻
黎美嫻因為多被派演古裝劇，而被同事們笑稱為「古裝皇后」，不過依家53歲好似仲後生過之前咁嘅？
13. 鄧萃雯
鄧萃雯係史上首位「冧莊視后」，雖然淡出咗，但53歲女人味強咗！
14. 戚美珍
戚美珍58歲算keep得唔錯，連老公苗僑偉都為佢趕絕異性30年！
15. 劉嘉玲
劉嘉玲以前唔係套套戲都做主角，但都每次都成為焦點，如今54歲仲好靚。
16. 袁詠儀
貴為1990年度香港小姐冠軍同最上鏡小姐嘅佢去到48歲佢個樣多咗份嚴肅感。
17. 鍾楚紅
鍾楚紅得到電影公司垂青，曾於1984年及1987年兩度榮獲亞太影展影后殊榮，如今59歲多咗份高貴嘅感覺。
18. 袁潔瑩
袁潔瑩最出名應該係佢嘅豐胸代言廣告，不過50歲嘅佢個樣好似有啲唔同。
19. 周海媚
到依家大家仲覺得《大鬧廣昌隆》嘅佢好靚，直到依家53歲更被傳媒封為「凍齡女神」。
(電影截圖；TVB電視截圖；各大藝人instagram截圖)
撰文：張芷晴