《愛回家》鐵面陳王朝撐保安逗利是有理 劇集經典看更仲有佢哋...

農曆新年，一覺瞓醒同屋企人去拜年，最快會見到咩人呢？無錯，就係保安員。保安員在新年期間特別熱情，向你拜年又為你開門，實在盛情難卻，大多數人都會派利是給他們。身為《愛回家》接龍集團保安員，不知道鐵面陳（王致狄飾）和王朝（莫家淦飾）新年會點樣向龍家上下和接龍的職員拜年和逗利是呢？

相關新聞：《愛回家》李嘉男扮女裝勁驚嚇 同看更陳勉良有感情戲？

{{hket:inline-image name="79416341_3053179871377939_6073483209977364480_o.jpg"}}{{/hket:inline-image}}

(圖片：莫家淦Facebook）

王致狄和莫家淦接受《晴報》訪問，家淦笑言：「身為一個專業嘅保安員，逢年初一、二、三，我哋都會一字排開列陣，笑到四萬咁口，講吓恭賀說話咁樣，利是自自然然會嚟。」他笑言自己居住的屋苑入面都有不少保安，大廈大堂、停車場、公共空間等都會遇上，他說：「總有一位喺左近，不過佢哋過去一年都辛苦喇，有時我收工三更半夜都見到佢哋，仲次次都打招呼，所以我哋畀利是都畀得好開心。」

王致狄即時「鐵面陳」上身說：「保安員係大廈入面係好重要，保護居民或者職員生命財產，所以新年慰勞大家都好應該。」

家淦笑言：「其實《愛回家》入面我份工都唔係好稱職，我雖然係做保安，但日常生活主要都係叫鐵面陳追Rebecca（沈可欣飾）而唔好追Ｍa姐（何綺雲飾），講是非八卦就多。唔知鐵生點諗，佢哋三個關係好複雜。我都要求緊監製畀條感情線我，不過之前有句對白話過我有老婆，依家成日去化妝間去物識緊，希望有啲應屆港姐可以做我老婆。」

相關新聞：《愛回家》鐵面陳同Rebecca中間殺出程咬金？ 王致狄曾為夢想放棄一段感情

{{hket:inline-image name="45da7a5c-520f-44ed-b662-2dfdbc26b577.jpg"}}{{/hket:inline-image}}

（圖片：《晴報》楊安莉攝）

除了「接龍保安」日日喺電視陪住大家之外，其實無綫的劇集入面都有不少演員經常扮演「保安」或者「看更」的角色，非常深入民心。大家會記得邊個呢？

陳勉良

有「御用看更」之稱的陳勉良在《愛回家》入面同樣都是演熊家屋企的大廈看更，經常都有他的蹤影，以往他都是簡單的看更戲份，不過《愛回家》就加入感情戲份，跟男扮女裝的李嘉相戀，非常搞笑。

{{hket:inline-image name="cheong.jpg"}}{{/hket:inline-image}}

（圖片：《愛回家之開心速遞》電視截圖）

{{hket:inline-image name="CHUI8_600.jpg"}}{{/hket:inline-image}}

（圖片：《愛回家之開心速遞》電視截圖）

李海生

李海生在《愛回家》入面飾演接龍集團的保安部主管申叔，平時都偶有扮演看更或保安的角色，原本是龍虎武師的李海生武功非凡，絕對勝任保安員的工作。

{{hket:inline-image name="L2_600.jpg"}}{{/hket:inline-image}}

（圖片：《愛回家之開心速遞》電視截圖）

孫季卿（已歿）

孫季卿經常飾演古裝的文人雅士或者掌櫃，亦不時在時裝劇扮演看更的角色，2013年播出的《金枝慾孽貳》中，孫季卿飾演欽天監佟泰，被觀眾發現他頸長出巨瘤，但季卿叔因年事已高放棄手術，繼續拍攝的工作，最後他在2015年離開我們。

{{hket:inline-image name="images.jpg"}}{{/hket:inline-image}}

（圖片：網上圖片）

陳山聰

陳山聰在《金宵大廈》以大廈保安「阿蕭」展開他擔正男主角之路，劇集大受歡迎，他這位看更跟不同單位的住客都打成一片，非常專業，又幫手修水喉、換燈膽等等，令不少觀眾都話：「好想屋企大廈請呢種保安！」

{{hket:inline-image name="YUS_2503.JPG"}}{{/hket:inline-image}}

（圖片：TVB《金宵大廈》劇照)

撰文：楊安莉