70、80年代，荷里活就出現了「香港三條龍」，他們就是李小龍、成龍以及尊龍。
（網上圖片）
現年67歲嘅尊龍於香港出世，佢英氣又深邃嘅五官帶點洋氣，不過佢係咪一個混血兒就不得而知，因為佢係一個孤兒。尊龍年幼時跟香港著名京劇演員粉菊花學藝。直至17歲移居美國洛杉磯並在荷里活發展。尊龍喺電影《龍年》中飾演黑幫頭目，造就佢成為首位提名美國金球獎嘅華人。到目前提名金球獎嘅華人演員中，亦只有尊龍，同章子怡二人。
（網上圖片）
不過真正把尊龍推向事業高峰嘅電影係《末代皇帝溥儀》。當時溥儀選角試鏡，導演貝托魯奇一眼睇中尊龍。尊龍亦不負眾望，將一個「兩面不是人」嘅末代皇帝演得入木三分。《末代皇帝溥儀》橫掃奧斯卡九座大獎，亦令尊龍紅遍全球，於國際影壇一舉成名。佢係第一個奧斯卡嘅華人頒獎嘉賓；勞力士手表第一個華人代言人；亦係《人物》雜誌評選「50個最美人物」之一，被譽為亞洲第一美男。
（IG圖片）
1993年尊龍出演電影《蝴蝶君》中嘅京劇名伶宋麗玲。劇中佢男扮女裝成功呃到外國人，尊龍換上女裝之後雌雄莫辨，眉宇間嘅英氣消完全消失，取而代之嘅係一份嫵媚，睇過嘅人無一不稱讚佢比真女人更加女人。
（IG圖片）
（《蝴蝶君》截圖）
據知，張國榮《霸王别姬》中程蝶衣一角原本尊龍係第一人選，但後來陳凱歌嘅工作團隊見到尊龍本人覺得佢五官太英氣，唔適合出演程蝶衣。不過亦有指當年尊龍主動透過楊凡向徐楓爭演《霸王別姬》，但佢經理人提出嘅條件太過苛刻，所以最終角色落入張國榮手上。尊龍後來接拍《蝴蝶君》「反擊」，同樣都係京劇名伶戀上同性而悲劇收場嘅故事。
《蝴蝶君》宋麗玲（《蝴蝶君》截圖）
可惜雖然尊龍嘅宋麗玲有口皆碑，但始終冇張國榮嘅程蝶衣咁膾炙人口。
《霸王别姬》程蝶衣（《霸王别姬》截圖）
（網上圖片）
恢復男兒身，宋麗玲彷彿從來都冇存在過。
70年代移民美國初期曾與同樣就讀加州聖塔安娜社區大學（ Santa Ana Community College）的同學Nina Savino結過婚，二人於1972年結婚，尊龍取得美國國藉。可惜二人於1979年離婚。
尊龍亦曾經北上發展。（網上圖片）
現年67歲嘅尊龍近13年亦好少曝光，2007年主演完荷里活動作片《搏激戰》（War）之後一直冇再拍戲。
曾經有日本網民野生捕獲尊龍（網上圖片）
撰文: 黃蘊姿