7-Eleven交帳單費用 送$5現金券回贈

每逢月頭，好多人都要繳交各式嘅帳單雜費，大家交錢之餘，有無諗過可以從中賺番啲回贈呢？7-11公關姊妹即刻有着數推介，就係由即日起至2月7日，只要到任何一間香港7-Eleven分店繳交帳單，包括寬頻費、水費、電費、屋租等，即獲送一張5蚊現金券，等各位邊交邊賺！

黛安知道，今次優惠期間推出嘅現金券會用收據形式列印送出，只要去完交錢即送你一張，留作下次再去7-Eleven購物時滿50蚊就可以用；當中有效期至2月14日情人節，到時用嚟買嘢食，定買禮物畀男女朋友都得！但要留意購物滿50蚊優惠，係唔包括買香煙及其他服務項目，亦唔可以用作兌換現金或同其他優惠同時使用。