羅力威坐的士遇肺炎驚魂

羅力威到電台宣傳新歌《仙水》。他表示新年期間只外出一日拜年，他說︰「因為真係有啲驚出街，之前去親友屋企食飯，離開時以為只需落樓和上的士，諗住唔使戴口罩，當上咗的士後，的士司機無戴口罩，仲同我講啱啱接載咗一位東區醫院嘅護士，嚇得我同有戴口罩嘅太太（雨僑）互相捉實手。呢個故事教訓，唔好以為呢個空間無事就唔戴口罩，因為你唔知道上一位坐喺同一位置嘅係咪病人。嚇得我返到屋企即刻沖涼同埋洗衫，如果因為我嘅疏忽而令到家人有事，真係無必要發生，所以戴口罩係最基本嘅保護。」羅力威稱香港過去半年發生的兩大事件，令他明白太太雨僑才是最重要及最珍貴，他又指不在乎太太在劇集《好人好姐》的演出好不好，最重要是她夠靚。