「博士」終於回歸喇！昨晚《愛回家之開心速遞》入面，久違了一年時間，秦博思（馬貫東飾）終於回歸熊家，昨晚一集「有朋自遠方來」正是博思回歸的一集，講述他獨自由英國返港，不過性情大變，又不肯多提女友Mandy（謝㺭圻飾），令熊家上下都以為他們情變，不敢多言。熊家剛巧遇到博思跟一名女子和小朋友同行，以為他移情別戀並成家立室，原來一切都是誤會，博思只是來港接同事的妻兒去英國，準備舉辦一個驚喜派對。
相關新聞：《愛回家》粉絲再次集氣成功 博思Mandy相隔一年回歸
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
博士回歸，令不少《愛回家》迷都大為興奮，事關一年前宣布博士和Ｍandy離開劇組時，不少人都大感不捨，紛紛留言要求挽留，奈何兩人另有工作安排，一直都未有安排重返劇組。今次適逢農曆新年大年初六，連馬貫東都留言說：「新年假期，回家最好不過。」不少網友睇完昨晚演出，紛紛留言追問：「Mandy 何時回家呀？」、「終於等到你返黎喇！」、「終於返屋企啦！博士，唔好走啦！」
相關新聞：【金宵大廈】暖男博思演「變態」偷窺狂 馬貫東幾時返《愛回家》？
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：馬貫東IG）
(圖片：馬貫東IG）
的確，不少網友反映馬貫東回歸一集太少，而且只有一人，未見謝㺭圻（前名：謝芷倫）。馬貫東接受《晴報》電話訪問，他表示：「劇情只係交代我返來一集，其實拍一集都好開心，個感覺好似返嚟探屋企人咁，因為大家合作咗咁耐，有種既陌生又熟悉嘅感覺，奇怪但係又好溫馨。」其實馬貫東離開劇組之後，不時都有「過廠」探望熊家的演員們，大家感情不言而喻，馬貫東說：「多謝網民！其實真係冇諗過我同Mandy離開，大家會有咁大反應，多謝大家鍾意睇我哋。」
(圖片：馬貫東IG）
(圖片：馬貫東IG）
(圖片：謝㺭圻IG）
另外，網上《愛回家》劇迷爆料指今次馬貫東只是小試牛刀客串一集，更預告他會跟謝㺭圻3月正式回歸，而謝㺭圻接受傳媒訪問時亦表示正式跟無綫簽約做「親生女」，除了劇集拍攝之外，自己都希望有機會「回家」，問到馬貫東是否真有其事，他表示：「冇聽到喎，淨係知會返嚟拍呢一集，未收到消息幾時會再返去。」現時馬貫東正為劇集《食腦喪B》開工，密鑼緊鼓拍攝中。
撰文：楊安莉