【聲明】港生活網站並無進行電話推廣活動

7-Eleven換購Hello Kitty錄音公仔 送給情人傳遞愛意

發佈時間: 2020/02/05

甜蜜蜜嘅情人節話咁快就到喇!各位男士為準備禮物係咪好頭痛呢?黛安今次又有好介紹,聽7-Eleven公關姊妹講,佢哋即日起將會推出Hello Kitty & Dear Daniel公仔套裝,當中分別設有心意卡同錄音功能,無論手寫定真人發聲示愛都可以㗎!

黛安知道,今次以Hello Kitty同Dear Daniel組成嘅公仔套裝,係用咗超可愛嘅圓碌碌造型登場,其中淺粉紅色嘅Hello Kitty就以少女風打扮,配上粉藍色浪漫瀟灑嘅Dear Daniel,成雙成對,好似糖黐豆咁甜甜蜜蜜。

唔止咁,Hello Kitty手上嘅信封內有一張心意卡,Dear Daniel仲有埋錄音功能,可錄製約15秒嘅甜言蜜語,最啱用嚟製造專屬自己嘅個人心意,用佢哋嚟錄音或手寫信息,傳達愛意畀另一半或心儀對象,加埋大大紮鮮花,夠晒sweet啦。

大家如果有興趣換購呢套咁可愛嘅公仔套裝,即日起下個星期五嘅2月14日情人節,只要喺7-Eleven分店進行任何消費加199元即可換購1套,記住數量有限,換完即止啊。

撰文: 黛安 消息特靈八卦公關
欄名: 八卦名利場