【聲明】港生活網站並無進行電話推廣活動

屈臣氏「玩美概念店」 AI測試皮膚 互動選購產品

發佈時間: 2020/02/05

市場一直講求創新,零售業都唔例外!黛安知道,屈臣氏近年大力投資零售科技,好似位於屯門市廣場、佔地4,500呎,剛剛開幕嘅全新「Tech-Fun玩美概念店」,就提供超過9,900款產品,集合超過700個健與美品牌,入面仲特設多個顧客體驗區,兼首次設立Lip Bar及人工智能(AI)皮膚分析等,非常有互動性呀。

公關姊妹仲話,屈臣氏「Tech-Fun玩美概念店」注入唔少年輕新活力,除加設電子展示屏幕、燈箱、LED牆設計元素,仲有唔少智能購物體驗,好似首推嘅Tap & Shop 24小時自助點購站,結合綫上綫下消費模式,等顧客可全天候通過電子熒幕選購或預訂產品,兼自選分店取貨;Lip Bar就可以試用逾百款來自9個美粧品牌嘅唇膏;仲有Meitukey智能皮膚分析,以AI技術為皮膚作出專業分析,並提供針對性嘅建議同產品推介,好方便啊。

此外,屈臣氏仲會獨家推出「Doraemon隨意旅行系列」嘅限定精品,買滿指定金額或儲齊電子印花,即可以低至28折優惠獨家換購,大家唔好錯過喇!

撰文: 黛安 消息特靈八卦公關
欄名: 八卦名利場