張衞健跟太太張茜結婚16年依然非常甜蜜，不時在社交網大放閃光彈，絕對是圈中的模範夫妻！二人拍攝《小寶與康熙》時認識，繼而擦出愛火花，之後拍拖、結婚，中間共同經歷了不少挫折，一起面對兩度流產、破產，他們依然恩愛如初。張衞健身為標準的「愛妻號」，當然唔會隨便畀異性埋身，讓張茜傷心，近日他更大爆唯一被御准可以隨時親近的異性，居然是家中愛貓，而不是媽媽！
張衞健同太太結婚16年，都仲係好sweet!（微博圖片）
張衞健成日帶媽咪周圍去，係孝順仔一名！（微博圖片）
張衞健日前上傳跟家中愛貓丁丁甜蜜對望的照片，之後開玩笑稱自己艷福不淺，他寫道：「我家丁丁是唯一被御准隨時隨地公然跟我勾肩搭背的異性，韋小寶果然艷福不淺。」
原來老婆批准佢接觸嘅異性係貓貓（微博圖片）
（微博圖片）
同太太結婚16年仲甜蜜，張衞健都不時有分享愛情保鮮心得，最重要就是不時比小驚喜老婆，又要經常講「唔該」、「多謝」，亦不要覺得張茜的付出是「老奉」。張衞健教路每次去街會買小禮物給太太，一有時間又會買花，有時就會寫甜言蜜語係紙條氹張茜。而且每年太太生日，張衞健都一定會精心計畫為她慶祝，例如有一年他就帶張茜去海邊沙灘浪漫地食晚餐，又準備靚靚生日蛋糕。
張衞健仲會在社交網高調示愛，讓老婆安心。他曾經在社交網發一張牽手的背影照，張衞健就在前面牽着後面的張茜。他寫道：「一直以來雖然牽着妳的手走過多少個春暖花開，但是步伐一直都是那麼快，知道妳趕的很辛苦！放心，我會學會慢下來，看清楚沿途的風景。」
張衞健一得閒就製造驚喜（微博圖片）
（微博圖片）
張衞健又會喺社交網站高調示愛，真係冧死人（微博圖片）
至於結婚多年張衞健渴會唔會渴望要小朋友，他近日就回應不會渴求，認為自己還未完全成熟，好多時都好幼稚，在老婆面前更是一個小朋友，所以生育就一切隨緣不會強求。
撰文：羅慧怡