周嘉洛指「阿媽」滕麗名傷癒快復工

「金城安」周嘉洛昨日到銅鑼灣出席活動搵真銀，提到在《愛．回家之開心速遞》飾演其母親「熊尚善」的滕麗名，早前在日本旅行跌傷骨折，周嘉洛透露︰「阿媽（滕麗名）就快復工，佢曾經情況好嚴重，我都好擔心，不過相信佢好快就可以投入工作。」

另外，提到將軍澳電視城日前有人嘔吐，無綫下令電視城內各處消毒，周嘉洛說︰「我知公司安排錄影廠消毒清潔，大家開工嗰陣都好緊張衞生，唔想連累身邊人，工作人員都帶晒口罩，演員就盡量唔好周圍摸。」他自言未有撲口罩，但會限制自己及家人出街，希望「慳住用」。問他會否少見女朋友？他笑說︰「首先要搵到個，不過依家無諗其他嘢，有時間都諗下點樣生存落去先。」