【金牌監製】梅小青走出鬼門關奉「子」停工 退休享兒孫福：珍惜上天畀機會

無綫「金牌監製」梅小青經歷超過四十年的歲月，由助理編導攀至依家身為無綫戲劇製作總監。

{{hket:inline-image name="7b72a835gy1fr5jsx5ncpj21s216o18n.jpg"}}{{/hket:inline-image}}

效力無綫期間，喺佢手中出產嘅經典不計其數，李嘉欣主演嘅《原振俠》、周海媚主演嘅《今生無悔》、林家棟主演嘅《娛樂插班生》、蔡少芬主演嘅《洛神》、佘詩曼和陳豪主演嘅《公主嫁到》等，全部都係港人嘅集體回憶。

{{hket:inline-image name="7b72a835gy1g2qifoorvcj20lc0sg7q2.jpg"}}{{/hket:inline-image}}

梅小青與丈夫劉家豪

而同佢同樣係監製嘅丈夫劉家豪亦創造出無數經典劇集包括《他來自江湖》及《溏心風暴》等，二人被稱為電視界「神鵰俠侶」。

{{hket:inline-image name="7b72a835gy1fuc9npzwxdj20ny0ue131.jpg"}}{{/hket:inline-image}}

小青姐（左）喺圈中多年廣結人緣，米雪係佢嘅知心好友。

{{hket:inline-image name="7b72a835ly1fswhklmn73j20p70rawjs.jpg"}}{{/hket:inline-image}}

劉心悠（左）都因為《宮心計2之深宮計》與小青姐結下劇緣。

不過日前梅小青突然宣布退休，全因阿仔劉鎮然（Alfred）落Order。Alfred咁緊張，因為眼見母親梅小青曾因腦血管栓塞，半隻腳踩入鬼門關。梅小青指2018年喺橫店拍《宮心計2之深宮計》時經常耳鳴，仲試過喺公司暈低幾次，睇咗幾個醫生都搵唔到原因。後來睇咗個名醫先知係左腦有血管塞咗95%，萬一中風，右邊身會癱瘓:「當時我都未識驚，因為《深》要趕住送檢，諗住剪埋《深》啲片先去做。」

{{hket:inline-image name="7b72a835ly1fswhkmq6ogj20qo0zkqca.jpg"}}{{/hket:inline-image}}

《宮心計2之深宮計》都係佢嘅得意作品。

直至2019年2月，梅小青接受手術，手術後，醫生告知手術時發現塞嘅位，喺腦血管轉彎位，增加手術嘅難度，所以即刻安排急救措施，萬一手術失敗，要喺半分鐘內同我急救，佢話自己嗰時先識驚，真係喺鬼門關行咗一轉。

{{hket:inline-image name="7b72a835gy1gajoymx19mj23402c01l8.jpg"}}{{/hket:inline-image}}

阿仔Alfred全程陪住媽媽，照顧入微：「因為個仔陪住成個過程，知道好危險，所以下令要我退休。由做完手術至今，呢一年過渡期冇事，其實個天已經畀咗兩次機會我，我之前都試過大病一場，加埋今次，我覺得自己真係好好彩，要好好珍惜。」

{{hket:inline-image name="7b72a835gy1g1kr583h2ej20sd13ykjl.jpg"}}{{/hket:inline-image}}

阿媽得一個，梗係緊張啦！

{{hket:inline-image name="7b72a835gy1g1e1ehfewwj20sg0lctcm.jpg"}}{{/hket:inline-image}}

《法證先鋒4》成為咗佢嘅告別作！

梅小青向來做事追求完美，對自己要求愈來愈高，重返無綫後拍出兩部作品《宮心計2之深宮計》及《法證先鋒4》佢已感心滿意足：「返嚟TVB，我好感激杜之克（無綫副總經理）同李寶安（無綫行政總裁）嘅大力支持，令我工作更得心應手。雖然離開呢個崗位，係好唔捨得，但真係係時候要過一啲自己想過嘅生活，例如做義工，同埋湊一對孫，享受弄孫樂。」

{{hket:inline-image name="7b72a835gy1g9fv3cvbiyj21g81kwu09.jpg"}}{{/hket:inline-image}}

梅小青一對孖生孫仔勁得人鍾意！

{{hket:inline-image name="7b72a835gy1g7i3ayag73j20u20x7dql.jpg"}}{{/hket:inline-image}}

係時候享吓兒孫福啦！

圖片來源：梅小青微博

撰文：黃蘊姿