【聲明】港生活網站並無進行電話推廣活動

搵小儀借漂白水 森美︰佢條「灶罅」夠闊

發佈時間: 2020/02/12

森美、姚子羚、黃智賢及余德丞等前晚錄影節目《娛樂大家10點半》,早前到法國滑雪度歲的森美,返港後未能及時補購消毒用品,幸好有好拍檔阮小儀出手相助,送他一支漂白水,以解燃眉之急。

森美一家人從法國度假回港後,他笑言現時心情緊張,因有指新型冠狀病毒潛伏期可能長達20多日,而他早前曾為一間公司春茗擔任司儀,現場有很多內地及香港人,他在唱歌時又跟「姐姐」攬頭攬頸很親密,「我依家每晚腦海都浮現跟嗰啲姐姐嘅親熱畫面,雖然無事,但心裏總係『凝住』。」森美說已盡量減少出街,商台也容許他們返工一次過預錄節目,盡量減少同事聚集機會。

收到厄瓜多爾口罩

森美稱現時屋企缺米,笑言︰「有米(錢)都買唔到,口罩都唔夠,慶幸有朋友出手幫助。因為我初一至初七去咗旅行,返港後很多物資都缺貨,跟朋友說無口罩,佢哋立即讓啲畀我,有來自泰國、印尼,甚至厄瓜多爾口罩。」

森美更感謝小儀的媽咪送上一支漂白水給他「救命」,但不忘取笑拍檔︰「佢條『灶罅』闊呀,所以攝咗好多雜物。(小儀被影到與壯男行山?)佢身邊成日有伴,但結果對方唔係商台監製就係攣嘅!」森美直言小儀幫手搵漂白水,他就幫小儀搵男人,更聲稱對方之前兩個男朋友都是由他介紹的。「得唔得在於個男人嘅忍耐力,並唔係每個人都好似我咁忍得。(你唔收佢做『二奶』?)平時做節目已經夠啦,帶埋佢返屋企?我無咁蠢!」

此外,姚子羚繼續宣傳劇集《黃金有罪》,她說未有通知開工拍新劇,亦已取消到外地工作。「連旅行都無得去,本來朋友約我去馬爾代夫,但我怕坐飛機返嚟要自我隔離。」

採訪︰Pauline

編輯︰陳禮恒

美術︰梁政敏

搵小儀借漂白水 森美︰佢條「灶罅」夠闊

小儀近日到香港仔水塘行山。(IG圖片)

搵小儀借漂白水 森美︰佢條「灶罅」夠闊

姚子羚知道《黃金有罪》口碑好,希望結局收視再升。