【買口罩】日本口罩限購女遊客出蠱惑招 拆包裝偷「餡」放原位被轟醜怪

武漢肺炎（COVID-19）疫情持續擴散，本港乃至全球多地均出現口罩供不應求的情況。有港人日前在日本長崎旅遊時，目擊兩名操上海話的女遊客為了「破解」口罩限購一人一包的規則，竟然使出蠱惑招數，直接將包裝拆開取走口罩。最終，店員發現兩女的所作所為後，不肯將口罩賣給她們。目擊者炮轟兩女行為自私，「佢哋究竟知唔知個『醜』字點寫！」

Facebook專頁「辦公室日報」的版主聶瞳，日前在長崎思案橋商店街一間連鎖生活百貨店內，目擊兩名操上海話的女遊客的缺德行為。他指當時貨架上只賣剩3包小童口罩，每包3個；口罩設限購，每人只可買一包，貨架以中文清楚標明規則。

「佢哋當然知規矩啦」，他指出，兩女一人拎完一包後，眼見貨架上仍有一包但又無法買到，

「竟然拆開最後一包入面嘅口罩，塞埋落去佢其中一包度，我喺後面行埋去嗰陣已經見到，咁啱有店員又見到，所以當場攔住佢哋。」

{{hket:inline-image name="wh130220208.jpg"}}{{/hket:inline-image}}

兩女拆開包裝取出入面的口罩後，再將包裝掛回貨架上。（「辦公室日報」授權使用）

他續指，當自己走到貨架時，

「係咁易摸下剩低嗰包小童口罩，果然係吉嘅，個包裝係輕飄飄，背後個撕貼位已經開咗。店員向我做咗個sorry手勢兼講咗兩句日文，應該係話『呢包唔賣得，唔好意思』。」

當日本店員與兩女交涉時，兩女以普通話表示「3個我們都要吧」；最終，店員不肯就範，將該3包口罩全部沒收，不肯賣給她們。對此，聶瞳認為店方應該要報警，

「相信（口罩）最後都要報銷喇，因為你真係唔知佢哋喺拆袋嘅過程中有冇整污糟？如果出咗咩事，Daiso要孭㗎！梗係博唔過啦！呢一種咁自私嘅行為，令到本來可以買到小童口罩嘅人買唔到，佢哋究竟知唔知個「醜」字點寫！」

{{hket:inline-image name="wh130220209.jpg"}}{{/hket:inline-image}}

有網民發現香港有藥房售賣同款口罩，索價55港元一包。（網上圖片）

對此，不少網民均不值兩女所為，認為該店應該要報警，紛留言斥責道：「好慘，咁就浪費左3包口罩！」、「佢地咁樣係叫做偷嘢！」、「就係依種害群之馬！」、「面皮厚到咩咁！」

此外，有網民發現香港有藥房及網店售賣同款口罩，索價55港元一包，遂詢問「喺日本買幾錢」，獲其他網民答覆是110日圓（約7.8港元）。對此，不少網民驚嘆道：「人血饅頭！」、「吸血價！」、「而家運費貴過口罩是常識吧！」

撰文：李凱晴