拍節目奉旨拍拖 何廣沛朱晨麗同遊杜拜

朱晨麗（朱朱）與緋聞男友何廣沛近日經常合作，在劇集《大醬園》談情之餘，早前更獲無綫安排結伴同遊杜拜，拍攝旅遊節目《3日2夜》。二人出埠朝夕相對幾天，感情似乎昇華不少，朱朱更直認與何廣沛拍攝愉快。

朱晨麗為了今次旅程獻出多個第一次：「第一次同何廣沛拍旅遊節目、第一次出埠拍呢類節目、第一次去杜拜、第一次去沙漠、第一次玩刺激高空跳傘！本來劇組取消咗跳傘項目，但我極力要求，難得有呢個機會，點都要玩一次，年紀大未必再有呢個膽量，趁依家仲夠膽，就玩下留個紀念。」對於杜拜的印象，朱朱以為只得天氣熱及金碧輝煌，沒想到親身感受是兩回事：「去到當地感覺好舒服，建築物好靚，仲有室內滑雪場，乜都有得玩。」

自備靚衫出鏡

為了今趟旅程，朱朱特別訂造幾套靚衫，連髮型也視乎不同環境及內容而轉變，又趁機影了不少靚相。朱朱說︰「唔知會唔會係最後一次拍，要把握每次機會，做人都係，抱住最後一次嘅心態，就會做到最好。」

談到與緋聞男友何廣沛同行，朱朱表示與對方已合作很久，早已有默契，由於何廣沛拍攝綜藝經驗較多，所以拍攝時指導她︰「佢會話畀我知點樣做會再好啲，撞出火花同話題，令到成件事再搞笑啲，觀眾會睇得更投入，用學習心態去拍，所以拍得好愉快。」

撰文︰Pauline

編輯：李潔盈

美術：梁政敏