情人節剛剛過去，娛樂圈中的模範夫婦除了劉青雲、郭藹明，陳榮峻、吳香倫，原來還有結婚才5年，57歲的錢國偉與37歲的陳宛蔚。二人前年誕下囡囡Abby，一家3口非常幸福！
(錢國偉微博截圖)
錢國偉監製多個TVB節目，經常找來一班美少女做助手，所以多年來緋聞不斷，例如陳自瑤、楊秀惠、賈曉晨等。另外「藍莓」劉俐經常上載二人合照，大陸女星藍燕更加有張比較親密，當時有女朋友的錢國偉即時劃清界線：「我冇錫佢，係佢錫我咋……佢好主動！」 後來，錢國偉在新加坡拍攝節目時，被記者拍到與白雲有親密舉動。
錢國偉接受傳媒訪問，唯一承認追求過姚子羚。他表示，自己多年來因為工作關係同很多女星比較好感情，但自己會公私分明：「冇嘢要避忌，佢哋都叫我阿爸，咁仲點做其他嘢？年年有新人邊諗得咁多呀？可能有啲主動獻殷勤，但我反而唔鍾意，會閘咗... 鍾意欣賞靚嘅嘢係人類天性！話我鹹濕？有時有男仔飲醉追住啲女仔，啲女仔匿喺我後面，即係覺得安全！」
(東星圖片)
直至2015年，錢國偉選擇放棄森林，與拍拖6年的2007年落選港姐陳宛蔚拉埋天窗，於尖沙嘴洲際酒店筵開50多席宴請親朋，終於浪子泊岸，杜絕緋聞。錢國偉表示一早已將所有東西給了陳宛蔚，笑言只有她一個便足夠，而陳宛蔚就話婚後會繼續拿多些老公的東西，sweet到暈。
(東星圖片)
婚後錢國偉與陳宛蔚一直努力造人，由於陳宛蔚身體較差患有低血壓，成功陀B後頭幾個月經常頭暈氣促，試過3次流血，常常影響情緒，令錢國偉非常擔心。雖然錢國偉工作很忙，要日夜顛倒拍戲，但經常安慰她、聽她訴苦、陪上產前班、車出車入、做阿四幫忙拿重物，做24孝老公，要陳宛蔚專心當個少奶奶，誕下健康、肥肥白白的BB。
其實錢國偉之所以變成暖男，是與2010年發生的陳志雲案件有關。他曾接受傳媒訪問表示，當時要常常協助廉政公署調查，保釋期間，他在公司暫停工作，有的同事見到他就調頭走。他哭訴，沒有做甚麼卻要被搜查證據，心情完全跌到落谷底。後來無事，仍未及時復職，這段時間原來多得陳宛蔚沒有離開他，反而在身邊陪伴、鼓勵他，幫他度過最低潮的日子。
儘管二人年齡相差20年，但如今依然很甜蜜，錢國偉就話兩公婆有足夠私人空間，他可以繼續忙工作，而陳宛蔚就負責幫忙打理經理人公司，只要大家懂得互相體諒就能維繫感情。
(錢國偉微博截圖)
撰文：張芷晴