朱晨麗替何廣沛生B嗌到聲沙

朱晨麗（朱朱）在無綫劇《大醬園》中，與緋聞男友何廣沛雖然「有情人終成眷屬」，但婚後一日何廣沛即失蹤，朱朱是否要「守生寡」？朱朱只肯劇透少許︰「只可以透露小滿（朱朱飾）幫楓少（何廣沛飾）生咗個好可愛嘅BB，其他劇情大家自己追啦！好多人因為疫情每晚喺屋企追劇，我依家每日都喺屋企唔敢出街。」

提到生仔戲，朱朱大讚幕後製作認真︰「個BB其實係道具嚟，但係皮膚同毛髮造得幾可亂真，加埋出世時嘅血漿，真係好逼真！」沒有生產經驗的朱朱，拍攝前上網睇片「學習」︰「我全程係咁嗌，結果搞到第二日聲都沙晒。」