早知陳山聰造人成功 李施嬅：忍得好辛苦

陳山聰日前宣布與太太Apple造人成功，將於今年生鼠BB，身為山聰好友兼好拍檔的李施嬅，昨日自爆早在上月台慶頒獎禮時已得知喜訊，笑言保守這秘密十分辛苦。

李施嬅與海俊傑昨日錄影節目《娛樂大家10點半》，宣傳二人合唱的新歌。提到《金宵大廈》好拍檔陳山聰即將榮升爸爸，施嬅笑說：「其實上個月頒獎禮時我已經知，忍得好辛苦呀，上台攞獎嗰陣幾驚講咗出嚟！山聰好厲害，講乜都中，之前話想結婚就好快實行，跟住話想生BB又中，要知生仔唔係話做就做到，播緊《金宵大廈》時山聰已經話要造人，佢真係好叻仔！」

趕赴加國拍劇

提到工作，施嬅表示原定本月尾飛往加拿大拍劇，但因新冠肺炎疫情，不少航空公司相繼取消航班，為免影響拍攝，劇組已要求她提早起程：「劇組都好緊張，不過佢哋無話要我去到當地要隔離，只係驚我返唔到去開工。」

因要提早往加國，施嬅要盡快完成《法證先鋒IV》及新歌宣傳。她笑說：「我第一次有歌曲作品，好畀心機去唱，亦辛苦了海俊傑。海俊傑太太好好，叫佢同我拍下拖，要愛多啲施嬅，仲叫佢情人節約我！」不過她笑言情人節當日與女性朋友食飯，生日則與「胡說八道會」好姊妹慶祝：「因為疫情同工作，生日幾乎無人約，所以要多謝一班好姊妹。」

採訪︰Pauline

編輯：李潔盈

美術：梁政敏