【新冠肺炎】謝霆鋒曲奇門市全線摺埋 良心事頭江若琳誓保員工飯碗

新冠肺炎(武漢肺炎)肆虐香港，百業蕭條！而唔少藝人都有投資創業，但在現今時時勢下，佢哋嘅生意都大受影響，冇得例外。

謝霆鋒2014年拍大陸綜藝節目《12道鋒味》，翌年仲創立曲奇品牌並於中環開設旗艦店，當時唔少粉絲前往「朝聖」，「鋒味」曲奇大賣。但新冠肺炎疫情影響下，霆鋒位於中環旗艦店以及位於尖沙咀、九龍站、機場等曲奇店先後撤離，集中做網上銷售！

{{hket:inline-image name="s.jpeg"}}{{/hket:inline-image}}

(鋒味facebook)

品牌公關Wendy承認結束門市生意同市道轉差有關：「曲奇品牌仲係繼續營運嘅。其實公司長遠發展係想開番實體店，只係暫時未有確實嘅日期，公司亦傾緊未來同其他合適品牌Crossover，喺網上合作推出產品。」見官網推出咗買二送一促銷優惠，而且買滿$300就有「曲奇送上門」服務，為吸客靈活變招！

{{hket:inline-image name="Whfff.jpeg"}}{{/hket:inline-image}}

(鋒味facebook)

{{hket:inline-image name="f.jpeg"}}{{/hket:inline-image}}

(鋒味facebook)

除咗霆鋒，江若琳（Elanne）經營咗超過一年嘅貓酒店開業之後生意一直唔錯，但最近佢間舖單月嘅營業額跌咗七成，損失達六位數字。全因佢間貓酒店嘅服務對象都係去旅行嘅人，疫情影響下少咗人去旅行，有啲客即使訂咗貓房都臨時因為取消旅行而唔需要將貓貓送入酒店。

{{hket:inline-image name="fff.jpeg"}}{{/hket:inline-image}}

江若琳與其老公蕭潤邦(江若琳ig)

江若琳表示只可以希望業主減租，同埋推出全單8折優惠吸客，又叮囑員工開工時要戴口罩同量體溫，同客人接觸時要消毒雙手、員工如不適要放病假，及店內要長時間開消毒噴霧機，令客人更有信心。

{{hket:inline-image name="ww.jpeg"}}{{/hket:inline-image}}

(江若琳ig)

江若琳都好感激幾位員工齊心共度時艱，冇要求加薪：「我哋冇強行無薪假外，為咗鼓勵士氣，仲推出咗獎金制，即係多勞多得。我老公教我，做生意一定要對員工好。」

{{hket:inline-image name="w.jpeg"}}{{/hket:inline-image}}

(江若琳ig)

雖然現況唔樂觀，但江若琳都話會撐落去：「如果到最差情況時，咪由我同啲合夥人一齊做員工囉，平時我一有時間，都會落店舖親自做清潔工作㗎啦。」不過佢就話做同貓有關嘅生意佢好開心，即使市道差都冇做藝人咁大壓力。

撰文：黃蘊姿