【聲明】港生活網站並無進行電話推廣活動

新世界美心出錢出力 助基層市民應對肺炎

發佈時間: 2020/02/20

最近大家為咗撲口罩等物資都搞到勞心勞力,黛安聽新世界公關姊妹講,見到協康會上周四係fb緊急呼籲,講到照顧Special Educational Needs(特殊教育需要)孩子嘅家長難以購買抗疫物資,新世界發展執行副主席兼總經理鄭志剛(Adrian)知道後,即刻準備咗大約1萬個口罩同「抗炎包」喺今個星期二(18日)捐出,希望幫大家渡過抗疫難關!

好多基層家庭都難以負擔貴價嘅抗疫物品,過去1個月,新世界已先後捐贈物資畀超過20間非牟利團體,亦會繼續留意社會唔同人士嘅需要,盡量提供幫助。

另外,美心集團亦透過「惜食堂」、「心光盲人院暨學校」、「香港失明人協進會」及「香港失明人互聯會」,共捐贈20萬個口罩畀長者同視障人士,其中將捐贈10萬個口罩畀「惜食堂」,另捐贈食物同4萬張MX套餐券,為2萬名老友記送上心意,今個月24日起就會分批送出喇。

撰文: 黛安 消息特靈八卦公關
欄名: 八卦名利場