最近播出嘅《大醬園》雖然主題係講家族倫理，題材有啲嚴肅但又不乏一啲喜劇位，有時仲令人哭笑不得。繼早前「過三關拖延時間」，上星期嘅「專員發夢被飛天仙女打救」，尋晚就輪到吳業坤（坤哥）飾演的華歌「自殺不遂」嘅幾幕，特別得嚟又令人覺得華歌好可憐。
（圖片：《大醬園》電視截圖）
（圖片：《大醬園》電視截圖）
尋晚佢因為搵錯咗楓少（何廣沛飾）嘅屍體，而被娘親（康華飾）鬧同掌摑，之後更用掃把趕佢出家門，話淨係要楓少一個仔，唔要佢呢個一手湊大嘅仔。華歌頓時淚流滿面，一直哭訴：「做人可唔可以公平啲？佢係你個仔，我都係你個仔⋯⋯我認我蠢，但至少我孝順，我聽話呀。」佢更講到話自己自五歲起已非常懂事，十歲更賺錢畀家用，幫娘親還賭債。呢一幕真係令觀眾睇到好心悒，我見猶憐呀。
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
相關新聞：【大醬園】康華近素顏演出皮膚好不輸小花 演兩子之母擺脫「御用情婦」稱號
之後佢就決定去尋死，佢去到森林入面，用樹枝綁住嚿石頭，希望藉石頭嘅力量可以令佢得到解脫，仲話：「老天爺，我係咪諗到好周到呢？」點知喜劇化嘅係樹枝斷裂，嚿石頭打唔中佢個頭，反而中咗佢嘅重要部位。但之後佢並未打消尋死念頭，反而跑上更高處，希望以跳崖方式了結生命。
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
上山途中，佢見到支西洋槍，諗住吞槍就一定會成功自殺，但係就唔夠手長，仲嘗試用腳。
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
原來枝槍係屬於想射殺高專員嘅亂黨成員，而喺亂黨成員同高專員爭持之際，華歌見到對方拎住槍就跑過去，叫佢用槍幫自己了結。兩人仲陷入爭槍場面，華歌仲被佢踢咗幾腳，但咁就意外造就咗高專員成功射殺亂黨成員。之後高專員下屬趕到，以為佢都係亂黨一員，華歌就話：「唔關我事，我嚟跳崖架咋喎。」華歌三次尋死都唔成功，令人哭笑不得之餘又覺得佢好可憐。
（圖片：《大醬園》電視截圖）
（圖片：《大醬園》電視截圖）
坤哥接受《晴報》訪問時就話：「拍嘅時候分開拍，前段係同康華好慘，後面係自殺個段，無諗過連埋一齊係咁有呢個反高潮。本身諗住係超級慘情位，點知會變咗笑位。呢個係剪接嘅神奇之處，希望大家睇到我做慘情戲同搞笑戲嘅兩種演繹。」佢更係社交網站上面自爆劇入面嘅穿崩位：「頭先碌落山見到我條紅色底底。」唔知觀眾又有無留意到？
（圖片：吳業坤IG）
（圖片：吳業坤IG）
其實劇集已多次出現令人摸不著頭腦嘅爆笑位，繼早前用過三關拖延山賊之後，上星期「專員發夢被飛天仙女打救」又係相當戲劇化，事關高專員（袁文傑飾）開門見到細么跳「敦煌飛天舞」，就令佢諗起之前係山洞度意識迷糊之際，彷彿好似見到一個飛天仙女，好似細么嘅化身一直飛向佢，好似嚟打救佢咁，令當時嘅佢有咗動力振作。呢一幕又係相當搞笑。
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
（圖片：《大醬園》電視截圖）
相關新聞：【大醬園】龔嘉欣為錢勾引人夫奸到出汁 逆市擲900萬買樓隨時嫁？
撰文：林惠珊