劇集《大醬園》劇情進入高潮，萬家家道中落，四分五裂，而「奸角」細么（龔嘉欣飾）和高專員（袁文傑飾）則開始露出狐狸尾巴，而且愈來愈衰格，睇到觀眾都非常肉緊，昨晚一集，曹督軍（張國強飾）原來只是重傷未死，特別返佛山迎娶高專員的胞妹高雙雙（江嘉敏飾）。被揭發下屬周副官（黃耀煌飾）殺人未遂，高專員甚是緊張，後來曹督軍派人捉拿周副官並嚴刑迫供，但周副官都沒有爆出高專員。
耀煌做副官好有型。(圖片：《大醬園》電視截圖)
耀煌在戲中假扮雙雙，希望設陷阱殺死曹督軍。(圖片：黃耀煌IG )
周副官是高專員的得力助手。(圖片：《大醬園》電視截圖)
高專員擔心將來夜長夢多，就算曹督軍出口阻止，他都不理一切開槍殺死跟隨自己多年的得力助手，相當心狠手辣。周副官戲份正式完結，但卻引來不少觀眾留言大讚他演技大有進步，今次發揮得好好。部分留言如下：
「做得好好啊，以後都要努力，希望以後都可以係電視上見到你。」
「大醬園系(係)第一次認識你 做得好好啊 希望TVB比(畀)多d機會你 ！」
「見住你比人打 好可憐」
「點解咁快死？超型」
相關新聞：《大醬園》被康華趕出家門 坤哥淚崩出走 三次企圖尋死失敗 慘劇變爆笑位
被人打到豬頭咁。(圖片：《大醬園》電視截圖)
周副官為心愛的雙雙，不惜以身犯險刺殺曹督軍。(圖片：《大醬園》電視截圖)
高專員反轉豬肚。(圖片：《大醬園》電視截圖)
都話唔好開槍囉！(圖片：《大醬園》電視截圖)
被高專員一槍擊弊，好心痛。(圖片：《大醬園》電視截圖)
黃耀煌接受《晴報》電話訪問，他表示：「其實開頭收到劇本時真係好緊張，第一次拍劇有咁多對白同場口，好驚自己處理得唔好，好多謝監製梁材遠畀機會我去做，導演又教我好多。呢幾日都有留意社交媒體，大家都留言讚我，真係好感動，對我嚟講係好大鼓勵。」
黃耀煌今年30歲，加入TVB已經10年時間，由藝員訓練班畢業之後，在《無綫娛樂新聞台》擔任主播的工作，3年後轉職演員，當時難免會掙扎，他說「做主播生活同收入都好穩定，而且改變自己內向嘅性格，不過自己心入面好想試試另一範疇。初初做演員都係得一集半集客串戲份，一度有諗過返轉頭做返主播，幸好同劇有前輩鼓勵，叫我好好堅持落去。」
今次演高專員的左右手，戲份相當多。(圖片：黃耀煌IG )
《大帥哥》的演出，令不少人留下印象。(圖片：黃耀煌IG )
每個劇集雖然戲份不同，但他都盡全力演好每個角色。(圖片：黃耀煌IG )
耀煌感激張衞健在《大帥哥》時的鼓勵。(圖片：黃耀煌IG )
耀煌超級單眼皮，令不少觀眾都迷上。(圖片：黃耀煌IG )
5年閒角生活，連家人都擔心他，他說：「幾年前有諗過放棄，每個月得份底薪，屋企人叫我放棄，正經搵番份工，不過自己唔甘心，希望屋企人畀多三年時間我，好想有一個令大家記得我嘅角色。」後來他遇到《大帥角》的「滿仔」、《果欄中的江湖大嫂》等都令觀眾認識他，今次能夠被觀眾肯定和讚賞，對耀煌而言絕對是一支強心針。他說：「好幸運遇到有機會發揮嘅劇本，同時間《法證先鋒IV》都有我嘅演出，我知呢條路好難行，但好多前輩都鼓勵我，我會繼續堅持落去。」
在新劇中，耀煌是法醫的一員。(圖片：黃耀煌IG )
撰文：楊安莉